ملازمین کیلئے اچھی خبر ، پی ایف نکالنے کے لئے اب امپلائر کی منظوری ضروری نہیں

ملازمین مستقبل فنڈ یعنی ای پی ایف ہولڈرز کے لئے راحت بھری خبر ہے ۔ اب اپنا پی ایف نکالنے کے لئے آپ کو اپنی پرانی کمپنی کے دفتر کے چکر کاٹنے یا پرانے امپلائر کی اجازت لینے کی ضرورت نہیں ہے ۔ اب آپ اپنے یو اے این نمبر کی مدد سے اپنا پی ایف خود ہی نکال سکتے ہیں ۔ اس کے لئے ای پی ایف او نے فارم 19 جاری کیا ہے ۔

وائس انویسٹ ایڈوائزر کے ہیمنت رستگی کے مطابق ای پی ایف نے گزشتہ کچھ عرصے میں کافی کچھ ایسے قدم اٹھائے ہیں ، جن سے اکاؤنٹ کو اور بھی آسان بنایا جا سکے ۔

پہلے ای پی ایف نکالنے کے لئے سب سے پہلے اپنے پرانے امپلائر کے پاس جانا پڑتا تھا ۔ کچھ فارم بھر کر ان سے دستاویز لانا ہوتا تھا ۔

لیکن اب ای پی ایف اکاؤنٹ سے پیسے نکالنا آسان ہو گیا ہے ۔ ملازم ای پی ایف او سے یو اے این کے ذریعے پیسے نکال پائیں گے ۔

ہیمنت رستگی کے مطابق نوکری تبدیل کرنے پر بھی بھی یو اے این نمبر نہیں بدلے گا ۔ سبھی ای پی ایف او ہولڈر کو یو اے این ملتا ہے ۔

یو اے این کی مدد سے ای پی ایف او سے پیسہ نکالا جا سکتا ہے ۔ یو اے این کا اسٹیٹس ای پی ایف او کی ویب سائٹ پر چیک کیا جا سکتا ہے ۔

ای پی ایف او کی ویب سائٹ سے یو اے این کے فارم ڈاؤن لوڈ کئے جا سکتے ہیں۔

نئے ای پی ایف اسکیم کے مطابق اب ملازمین فنڈ کا پیسہ کام کے 10 سال پورے ہونے پر نکال سکتے ہیں ۔

فند میں سے 8.33 فیصد پنشن میں جاتا ہے اور باقی کی رقم پی ایف میں جاتی ہے ۔۔

اگر دو ماہ سے بے روزگار ہیں ، تو بھی پی ایف سے پیسے نکال سکتے ہیں ۔

پی ایف اکاؤنٹ کھولنے کے 5 سال کے اندر پیسے نکالنے پر ٹیکس لگتا ہے ۔

پی ایف کا پیسہ بیماری کے علاج کیلئے اور رضاکارانہ ریٹائرمنٹ پر بھی نکال سکتے ہیں ۔