دہلی حکومت نے تین دن کے بعد ختم کر دیا انتظام ، اب زکوة فاؤنڈیشن روہنگیا مسلمانوں کو فراہم کر رہا ہے سبھی سہولیات

دہلی کے اوکھلا علاقہ میں مقیم روہنگیاں پناہ گزین مسلمانوں کے جھگیوں میں آگ لگنے ک وجہ سے سب کچھ جل کر ختم ہو گیا ۔یہاں تک ان کے بدن پر جو کپڑے تھے وہی باقی بچے تھے ۔حادثہ کے بعد دہلی سرکار کی جانب اوکھلا کے ممبر اسمبلی امانت اللہ خان کے نمائندے نے اعلان کیا تھا کہ ہم ان کو ساری سہولیت اور 25 ہزار روپیہ کیش بھی مہیاکرائیں گے۔ اس کے علاوہ یہاں کچھ این جی اوز بھی کام کر رہی تھیں ۔

مگر تین دن گرزنے کے بعد دہلی حکومت نے اپنا سارا انتظام ختم کر دیا اوروہ لوگ زمین اور آسمان کے پیچ کھلے میں زندگی گزارنے پر مجبو ہو گئے ۔اب زکوة فاؤنڈیشن آف انڈیا نے ان کی تمام ضروریات کوپوری کرنے کی ذمہ داری اٹھائی ہے ۔

دہلی سرکار کی جانب سے ایس ڈی ایم نے بھی یہ بات واضح کی تھی کہ ہم نے ان کو دوبارہ سٹیل کرنے کے لئے سرکار کو خط لکھا ہے ، جس میں 25 ہزار روپیہ فی فیملی بھی شامل ہے ۔لیکن آج تک ان کا وعدہ پورا نہیں ہوا ۔

تین دن تک دہلی سرکار نے کی جانب سے ان کے رہنے کھانے پینے کا بندو بست کیا گیاتھا ۔ ساتھ ہی ساتھ کئی ساری این جی اوز بھی کام کررہی تھیں ۔

مگر تین دن کے بعد جیسے ہی سرکار نے بندو بست ختم کئے ، ویسے ہی این جی اوز کے لوگ بھی غائب ہوگئے ۔لیکن اب زکوۃ فاؤنڈیشن ساری سہولیت مہیا کر رہی ، جس سے وہ کافی خوش ہیں ۔

خیال رہے کہ جس زمین میں46 روہنگیاں مسلم خاندان پناہ گزین تھے ، وہ زکوة فاؤنڈیشن کا ہی تھی ، لیکن آگ لگنے کی وجہ سے ان کا سب کچھ ختم ہو گیا تھا ۔

تاہم اب زکوة فاؤنڈیشن اس جگہ میں مکان تیار کر رہا ہے اور جلد ہی ان کو اس میں لایا جائے گا۔ ( دہلی سے ضیا انصاری کی رپورٹ )۔