Pranab Mukherjee : زمین سے جڑی سوچ والے شخص تھے پرنب مکھرجی ، ایسا رہا کلرک سے بھارت رتن تک کا سفر

پرنب مکھرجی کی پیدائش مغربی بنگال کے بیربھوم ضلع کے ایک چھوٹے سے گاوں مراٹی میں ایک براہمن کنبہ میں گیارہ دسمبر 1935 کو ہوئی تھی ۔ پرنب مکھرجی کے والد کامدا کنکر مکھرجی علاقہ کے ایک اہم مجاہد آزادی تھے ۔ آزادی کی لڑائی میں وہ دس سالوں سے زیادہ وقت تک برٹش جیلوں میں قید رہے ۔

ان کے والد 1920 سے انڈین نیشنل کانگریس کے سرگرم رکن تھے ۔ ملک کی آزادی کے بعد وہ 1952 سے لے کر 1964 تک مغربی بنگال ودھان پریشد کے رکن رہے ۔ پرنب مکھرجی نے سیاست میں انٹری والد کے ہاتھ پکڑ کر ہی کی تھی ۔

شروعات کلرک سے کرنے کے بعد وہ صحافی بنے ، لیکن ساتھ ہی ساتھ کولکاتہ یونیورسٹی میں آگے کی تعلیم بھی جاری رکھی ۔ کولکاتہ یونیورسٹی سے ملحق سوری ودیاساگر کالج سے گریجویشن کی ڈگری حاصل کرنے کے بعد پرنب مکھرجی نے کولکاتہ یونیورسٹی سے ہی تاریخ اور پولیٹیکل سائنس میں ایم اے کیا ۔ کولکاتہ یونیورسٹی سے قانون کی تعلیم کے بعد مغربی بنگال کے بیر بھوم ضلع کے ایک کالج میں پروفیسر کی نوکری شروع کی ۔ انہوں نے وکیل کے طور پر بھی کام کیا ۔

لوگ انہیں پرنب دا کے نام سے جانتے ہیں ۔ ان کی ذہانت اور سوچ کا لوہا ہر کوئی مانتا رہا ہے ۔ اپنی سیاسی زندگی میں انہوں نے مسلسل اس کا مظاہرہ بھی کیا ۔ ساتھ ہی آگے کی سیڑھیاں چڑھتے گئے ۔ صدر جمہوریہ بننے کے سے پہلے انہوں نے کابینہ وزیر ے طور پر اندرا گاندھی سے لے کر منموہن سنگھ کی قیادت والی حکومتوں میں کام کیا ۔

بنگالی کنبہ سے ہونے کی وجہ سے انہیں رابندر سنگیت میں بھی کافی دلچسپتی تھی ۔ پرنب مکھرجی کو مغربی بنگال کے دیگر شہریوں کی طرح ہی ماں درگا ک اپاسک مانا جاتا ہے ۔ درگا پوجا کے دوران وہ ماتا کی اپاسنا بھی کرتے تھے ۔ انہیں باغبانی اور کتابیں پڑھنی پسند تھی ۔صدر جمہوریہ بننے کے بعد انہوں نے کافی حد تک راشٹرپتی بھون کو تکنیک کے طور پر بدل دیا ۔ پرنب دا کے بارے میں کہا جاتا ہے کہ وزیر اور صدر جمہوریہ رہتے ہوئے وہ روازنہ 18 گھنٹے کام کرتے تھے ۔

پرنب مکھرجی کی سیاسی زندگی کی شروعات 1969 میں ہوئی ۔ اس وقت وہ پہلی مرتبہ راجیہ سبھا سے منتخب ہوکر پارلیمنٹ پہنچے تھے ۔ اس وقت کی وزیر اعظم اندرا گاندھی نے ان کی صلاحیت سے متاثر ہوکر صرف 35 سال کی عمر میں 1969 میں کانگریس کی جانب سے راجیہ سبھا کا رکن بنا دیا ۔

1973 میں مرکزی حکومت میں پرنب مکھرجی کو کابینی وزیر بنایا گیا ۔ 1974 میں مرکزی حکومت میں خزانہ کے وزیر مملکت بنے ۔ پرنب مکھرجی 1982 سے 1984 تک کئی کابینی عہدوں کیلئے منتخب ہوتے رہے ۔ اس کے بعد وہ 1984 میں پہلی مرتبہ ہندوستان کے وزیر خزانہ بنے ۔ پرنب مکھرجی نے سن 1982۔83 کیلئے پہلا بجٹ پارلیمنٹ میں پیش کیا ۔ وہ سات مرتبہ کابینی وزیر رہے ۔

اندرا گاندھی کے قتل کے بعد راجیو گاندھی حکومت کی کابینہ میں پرنب مکھرجی کو شامل نہیں کیا گیا ۔ تب انہوں نے اپنی ال سماجوادی کانگریس پارٹی بنائی ۔ پھر 1989 میں راجیو گاندھی سے تنازع ختم ہوگیا اور انہوں نے اپنی پارٹی کو کانگریس میں ضم کردیا ۔

پرنب مکھرجی پہلی مرتبہ لوک سبھا کیلئے مغربی بنگال کے جنگی پور حلقہ سے 13 مئی 2004 کو منتخب ہوئے ۔ اسی حلقہ سے دوبارہ 2009 میں بھی لوک سبھا کیلئے منتخب ہوئے ۔ مغربی بنگال میں وہ کانگریس امیدوار کے طور پر سب سے زیادہ 128252 ووٹوں سے جیتنے والے رکن رہے ۔

سال 2004 میں پارٹی اقتدار میں آئی تو انہیں ہندوستان کے وزیر دفاع کے عہدہ ملا ۔ 24 اکتوبر 2006 کو انہیں ہندوستان کو وزیر خارجہ بنایا گیا ۔ صدر جمہوریہ بننے سے پہلے وہ یو پی اے حکومت میں وزیر خزانہ تھے ۔ وہ ہندوستان کے تیرہویں صدر جمہوریہ بنے ۔