رمضان میں عبادت کے ساتھ صحت کا خیال، جانئے کھانے۔پینے میں کس چیز سے بچیں اور کیا کھائیں

ہر مسلمان کو سال بھر رمضان المبارک کا انتظار رہتا ہے۔ عبادت کا ماہ،پرہیز کا ماہ۔احتیاط کا ماہ۔اس ماہ کی آمد ہر کسی کے طرز زندگی کو بدل دیتی ہے۔سونے اور جاگنے سے کھانے تک زندگی بدل جاتی ہے۔

ہم سب جانتے ہیں کہ رمضانِ المبارک کا بابرکت مہینہ آتے ہی مسلمانوں کے کھانے پینے کے معمولات تبدیل ہو جاتے ہیں۔ انتیس سے تیس دنوں پر مشتعمل یہ عرصہ دن نکلنے سے دن ڈھلنے تک ایک خاص طرزِ عمل کا متقاضی ہوتا ہے، جسمانی اور روحانی پاکیزگی کے حصول کی خاطر اللہ کے وضع کردہ احکامات پر عمل درآمد کرنے کے لئے خود کو جسمانی اور روحانی طور پر تندرست رکھنا بے حد ضروری ہے۔

Healthy diet for Summer: رمضان المبارک کے مقدس مہینے میں روزہ داروں کو اکثر صحت سے متعلق پریشانیوں کا سامنا کرنا پڑتا ہے اور اس مرتبہ رمضان المبارک میں شدید گرمی ہے تو صحت کا خیال کرنا بیحد ضروری ہو گیا ہے۔

رمضان المبارک کے مقدس مہینے میں دنیا بھر کے مسلمان روزے رکھنے کے ساتھ ساتھ اپنا زیادہ تر وقت عبادت میں گزارتے ہیں۔ اگر آپ افطار میں ضرورت سے زیادہ کھائیں گے تو وزن میں اضافہ، موٹاپا کے علاوہ ذیابیطس اور دل کی بیماری جیسے مسائل پیدا ہوسکتے ہیں۔ دوسری جانب اسی ماہ میں سحر و افطار کا اہتمام بھی عروج پر ہوتا ہے، لیکن یاد رکھیں کہ افطار میں زیادہ مقدار میں کھانا کھانے یا غیر متوازن غذا کا استعمال پیٹ کی خرابی اور آنتوں میں مسائل پیدا کرسکتا ہے، جس سے آپ روزہ رکھنے سے بھی محروم رہ سکتے ہیں۔ma

ماہرین صحت کا مشورہ ہے کہ روزے دار افطار و سحر میں پروٹین، کاربوہائیڈریٹ اور ریشہ سے بھرپور غذا لیں لیکن اوپر تلے کئی چیزیں نہ کھائیں۔

Ramzan Special: ماہ رمضان Ramadan کے روزے رکھنے سے صحت پر کئی طرح کے اثرات دیکھنے کو ملتے ہیں۔ کچھ لوگ روزہ رکھنے سے پتلے ہوتے ہیں تو وہیں کچھ لوگ ایسے بھی ہیں جن کے وزن میں اضافہ ہو جاتا ہے اور ان کی توند نکل آتی ہے تو اگر آپ توند اور بڑھتے وزن سے نجات چاہئتے ہیں تو کریں یہ کام اگر آپ سحری اور افطار میں تھوڑی عقلمندی سے کام لیں گے تو نہ آپ کے وزن میں اضافہ ہوگا اور نہ ہی آپ کی توند نکلےگی۔ اس کا طریقہ کار کچھ اس طرح ہوسکتا ہے۔

ماہرین کے مطابق جو اور اناج کی روٹی کو سحری کا حصہ لازمی بنانا چاہئے تاکہ پیٹ دیر تک بھرا رہ سکے اور ساتھا ہی پروٹینز اور کاربوہائیڈریٹس جیسے انڈے، آلو، دہی، دالیں، گوشت وغیرہ استعمال کرنا چاہئے۔

وہیں دوسری جانب چائے یا کافی کے استعمال سے گریز کرنا چاہئے کیونکہ یہ گرم مشروبات ڈی ہائیڈریشن اور جسم میں پانی کی کمی کا باعث بن سکتے ہیں جو اس گرم موسم میں نقصان بھی پہنچا سکتا ہے۔

افطار کے وقت وزن میں کمی کے خواہشمند لوگوں کو چاہئے کہ وہ زیادہ سے زیادہ پانی پیئیں اس سے پورے دن میں ہوئی تمام کمیاں پوری ہو جاتی ہیں اور ہاں آپ کو چاہئے کہ زیادہ کیلوریز اور تلی ہوئی چیزوں سے بچیں۔

پانی اور جوس پئیں، پھل، سبزیاں کھائیں اور چربی والے گوشت سے بھی پرہیز کریں۔ وہیں اگر پھر بھی آپ ایسا نہیں کر پا رہے ہیں تو زیادہ کھانا کھنے سے گریز کریں کیوں کہ یہ نقصان دہ ثابت ہو سکتا ہے ۔

رمضان میں پورے دن پیاسے رہنے سے کہیں نہ کہیں جسم میں پانی کی کمی پیدا ہو جاتی ہے۔ خاص طور رمضان جب گرمیوں میں ہوں۔ گرمیوں میں افطار میں تربوز کا شربت Watermelon Juice بہت فائدہ پہنچاتا ہے۔یہ تیز گرمی میں ٹھنڈک دینے کا کام کرتا ہے۔ اسے آپ آسانی سے گھر میں خود بنا سکتے ہیں۔ گرمیوں میں ہمارے جسم کو پانی کی زیادہ ضرورت ہوتی ہے، کیوں کہ موسم کی شدت کے ساتھ معمولاتِ زندگی انجام دینے کے دوران پسینے نکلتا ہے۔ تربوز میں 90 فیصد پانی ہوتا ہے اور یہ غذائی اجزا، وٹامنز اور معدنیات سے بھرپور ہوتا ہے۔ ان تمام فوائد کے علاوہ تربوز جلد کی صحت کو برقرار رکھنے کے لیے بھی بیحد مفید ہے۔

ماہرین کے مطابق دن بھر کے فاقے کے بعد میٹابولزم کی رفتار کم ہوچکی ہوتی ہے اور اس وقت زیادہ کھانے کی صورت میں کیلوریز کو ہضم کرنا مشکل ہوتا ہے۔

وہیں اپنی ڈائٹ میں کھجور اور انجیر سے بنا جوس بھی شامل کریں۔ کھجور اور انجیر صحت کیلئے کافی فائدہ مند ہوتا ہے۔

دنیا بھر میں لوگ جسمانی وزن میں کمی کے لیے 16 سے 20 گھنٹے کے فاقے کو اپناتے ہیں اور اس کے دوران 4 سے 6 گھنٹے کے وقفے میں کم مقدار میں غذاﺅں کا استعمال کرتے ہیں اور ایسا ہی کچھ رمضان میں بھی ہوتا ہے۔

تو رمضان کے دوران ورزش کو جاری رکھنے سے کیلوریز کی کمی کو فائدے کی صورت میں استعمال کیا جاسکتا ہے۔ ایسا کرنے سے جسمانی چربی کی سطح میں نمایاں کمی آسکتی ہے یا یوں کہہ لیں توند سے نجات کافی آسان ہوجاتی ہے۔