دیکھئے رادھیکا مرچنٹ کی مہندی کی تصویریں، شاندار لہنگے میں آئیں نظر

منگل کو رادھیکا مرچنٹ کی مہندی تقریب ہوئی ۔ رادھیکا نے اپنی مہندی کی تقریب میں کافی خوبصورت لہنگا پہن رکھا تھا ، جس کی تصویریں سوشل میڈیا پر وائرل ہورہی ہیں ۔

اگر اس خوبصورت لہنگے کے کلر کی بات کریں تو رادھیکا مرچنٹ نے اپنے مہندی پروگرام کیلئے فیوشیا پنک کلر کا فلورل ریشم کا ایمبرائیڈری لہنگا کیری کیا تھا ۔

اس لہنگے کو مشہور فیشن ڈیزائنر جوڑی ابو جانی اور سندیپ کھوسلہ نے ڈیزائن کیا ہے ۔ رادھیکا نے پولکی چوکر نیک لیس، میچنگ ایئرنگس، مانگ ٹیکہ اور بڑے سے نیک لیس کے ساتھ اپنے مہندی لک کو مکمل کیا تھا ۔

پروگرام میں رادھیکا مرچنٹ کا ڈانس کرنے کا ویڈیو بھی کافی وائرل ہورہا ہے ۔ انہوں نے عالیہ بھٹ کے گانے گھر مورے پردیسیا پر ڈانس کیا تھا ۔

بتادیں کہ اننت امبانی کی دلہن رادھیکا مرچنٹ اینکور ہیلتھ کیئر کے سی ای او ویرین مرچنٹ اور شیلا مرچنٹ کی بیٹی ہیں ۔ 29 دسمبر 2022 کو اننت اور رادھیکا نے راجستھان کے ناتھ دوار میں شریناتھ جی مندر میں روکا تقریب کی تھی ۔ ( DISCLAIMER: Network18 and TV18 – the companies that operate news18urdu.com – are controlled by Independent Media Trust, of which Reliance Industries is the sole beneficiary.)