اسدالدین اویسی کے خلاف حیدر آباد پارلیمانی سیٹ سے الیکشن لڑ سکتے ہیں ٹیم انڈیا کے سابق کپتان اظہرالدین
سابق ممبر پارلیمنٹ محمد اظہرالدین اگلے لوک سبھا الیکشن میں کانگریس کے ٹکٹ پر حیدرآباد لوک سبھا سے مقابلہ کرسکتے ہیں ۔
حیدر آباد : اب تک یوپی کی سر زمین سے سیاست کرنے والے سابق ممبر پارلیمنٹ محمد اظہرالدین اگلے لوک سبھا الیکشن میں کانگریس کے ٹکٹ پر حیدرآباد لوک سبھا سے مقابلہ کرسکتے ہیں ۔ راجیو گاندھی کی سدبھاونا یاترا کی یاد میں منعقدہ اجلاس میں سدبھاونا ایوارڈ لینے کے بعد ہندوستانی قومی کرکٹ ٹیم کے سابق کپتان محمد اظہرالدین نے تلنگانہ کانگریس کمیٹی سے خواہش کی کہ تلنگانہ میں پارٹی کے لئے ان کی خدمات لی جائیں ۔
راجیو گاندھی کی سدبھاونا یاترا کے موقع پر حیدرآباد میں آج چارمینار کے دامن میں ایک اجلاس منعقد کیا گیا ۔
اس موقع پر ریٹائرڈ آئی اے ایس افسر ایم گوپال کرشنا اور قومی کرکٹ ٹیم کے سابقہ کپتان محمد اظہر الدین کو سدبھاونا ایوارڈ پیش کیا گیا ۔
سینئر لیڈر محمد علی شبیر نےا نہیں حیدرآباد لوک سبھا سے لوک سبھا کے لئے انتخاب میں حصہ لینے کی پیشکش کی ۔
خیال رہے کہ اس سیٹ سے مجلس اتحاد المسلمین لیڈر اسد الدین اویسی الیکشن لڑتے ہیں ۔ کانگریس ان کو اویسی کے خلاف ہی میدان میں اتارسکتی ہے۔
