بے رحم شوہر نے سڑک پر ہی بیوی کے ساتھ کی انتہائی گھٹیا حرکت، پاس کھڑے لوگ بھی دیکھ کر رہ گئے دنگ

ویلور۔ تمل ناڈو کے ویلور سے ایک دل دہلا دینے والا واقعہ سامنے آیا ہے۔ پیر کے روز ایک بے رحم شوہر نے اپنی بیوی پر سڑک کے بیچوں بیچ چاقو سے حملہ کرڈالا۔ حیران کن بات یہ ہے کہ آس پاس کے لوگ کھڑے کھڑے تماشا دیکھتے رہے۔ واقعہ علاقے میں نصب سی سی ٹی وی میں قید ہوگیا۔ واقعے کے بعد پولیس نے ملزم کو گرفتار کر لیا ہے۔

انڈیا ٹوڈے کی رپورٹ کے مطابق متاثرہ کی شناخت پونیتا کے نام سے ہوئی ہے۔ پنیتا جوتوں کی ایک پرائیویٹ کمپنی میں کام کرتی تھی۔

پیر کی دیر شام وہ کام کے بعد گھر لوٹ رہی تھی۔ تبھی اس کے شوہر جے شنکر نے اسے سڑک کے بیچ میں روک لیا۔ جے شنکر نے اس کے ساتھ کسی بات پر لڑائی شروع کر دی۔ اس وقت دونوں سڑک کے قریب کھڑے تھے۔ پونیتا مسلسل وہاں سے جانے کی کوشش کر رہی تھی اور جے شنکر اسے بار بار روک رہا تھا۔

اس کے بعد جے شنکر نے اپنی جیب سے چاقو نکالا اور ایک کے بعد ایک اس نے پونیتا پر 7 بار حملہ کیا۔ سڑک پر گزرنے والے لوگ بھی یہ منظر دیکھ کر دنگ رہ گئے۔ جے شنکر کو روکنے کی کسی نے ہمت نہیں دکھائی۔ حالانکہ ایک خاتون نے اسے روکنے کی کوشش کی لیکن تب تک بہت دیر ہو چکی تھی۔ قتل کے بعد جے شنکر وہاں سے فرار ہو گیا تھا۔

اس واقعہ میں پونیتا شدید زخمی ہو گئی تھی۔ خاتون نے واقعے کے فوراً بعد پولیس کو فون کیا۔ اس کے بعد پولیس موقع پر پہنچی اور زخمی پونیتا کو اسپتال لے جایا گیا۔ جہاں ڈاکٹروں نے اسے مردہ قرار دے دیا۔ اس کے بعد پولیس نے سی سی ٹی وی فوٹیج کی مدد سے ملزم کی شناخت کرکے اسے گرفتار کرلیا۔ فی الحال پولیس ملزم سے پوچھ گچھ کر رہی ہے۔