شدید گرمی کے ساتھ ساتھ بوند بوند پانی کو ترستے گلبرگہ کے لوگوں کو جھیلنی پڑ رہی ہے قدرت کی دوہری مار

سوکھی سوکھی زمین، سوکھی سوکھی باولیاں، بوند بوند پانی کو ترستے لوگ، یہ منظر نامہ ہے ضلع گلبرگہ سے منسلک دیہاتوں کا۔ ان دیہاتوں کی حالت یہ ہے کہ یہاں کے لوگ پینے کے پانی کیلئے ترس رہے ہیں، سرکاری نل میں پانی نہیں اور تالاب، باولیاں، سب سوکھ چکی ہیں۔ کچھ بائولیاں نظام دور حکومت کی ہیں لیکن استعمال کے قابل نہیں ہیں۔ جماعت اسلامی ہند کی زیر قیادت آٹھ ٹیموں نے ان علاقوں کا دورہ کر کے اصل صورت حال کا لیا جائزہ۔ دیکھیں تصاویر

جماعت اسلامی ہند کی قیادت میں آٹھ ٹیمیں گلبرگہ کے قحط زدہ علاقوں کے دورے پر ہیں۔

جماعت اسلامی ہند کے ذمہ داران کے مطابق
دورے کے بعد صورتحال پر ایک رپورٹ تیار کرکے ضلع انتظامیہ اور وزیر اعلیٰ کو روانہ کی جائیگی۔ ذمہ داران کے مطابق حتی المقدور دیہی عوام کی
مدد بھی کی جائیگی۔

پینے کے پانی کی قلت ہونے کی وجہ سے گلبرگہ کے آس پاس کے دیہاتوں کا بھی برا حال ہے۔

دیہاتوں میں باولیاں سوکھنے کے علاوہ بورویلس کا
کوئی انتظام نہیں ہے۔

نل کب کھلتے اور بند ہوتے ہیں، پتہ نہیں۔ حکومت کی جانب سے ٹینکروں سے پانی کی سپلائی ہو رہی ہے لیکن اس کا بھی کوئی وقت متعین نہیں۔

ان دیہی باشندوں کو قدرت کی دوہری مار جھیلنی پڑ رہی ہے۔ پینے کے پانی کی قلت کے ساتھ ساتھ شدید گرمی نے ان کا جینا دو بھر کر دیا ہے۔

گرمی پر قابو پانے کے لیے تو یہ سرکار سے امداد طلب نہیں کر سکتے البتہ پینے کے پانی کی قلت دور کرنے کے لیے حکومت کی جانب امیدیں لگائے بیٹھے ہیں۔

گلبرگہ کے دیہاتوں کا جائزہ لینے کے لیے جماعت اسلامی ہند کی آٹھ ٹیمیں ان دنوں دوروں پر ہیں۔

یہ ٹیمیں دیہی عوام اور پنچایت کے ذمہ داران سے ملاقاتیں کررہی ہیں اور پینے کے پانی کے مسائل سے آگہی حاصل کر رہی ہیں ۔

وفد کے ارکان کا کہنا ہے کہ خشک سالی سے متاثرہ علاقے کے دوروں کے دوران کئی ایک چونکانے والے واقعات بھی سامنے آ رہے ہیں۔ ذمہ داران کے مطابق ایک رپورٹ تیار کرکے حکام کو سونپی جائیگی۔