حوصلہ کو سلام ! دونوں ہاتھوں سے محروم مصطفی نے پی یوسی امتحان میں حاصل کی نمایاں کامیابی

کہا جاتا ہے کہ اگر آپ ہمت کرتے ہیں تو خدا بھی آپ کی مدد کرتا ہے۔ کرناٹک میں دونوں ہاتھ سے معذور طالب علم اپنے عزم و حوصلہ کی بنیاد پر ایسی کامیابی حاصل کی ہے ، جس کی وجہ سے نہ صرف اس کے اہل خانہ خوش ہیں بلکہ وہ دیگر لوگوں کیلئے اپنے آپ میں ایک مثال بھی ہے ۔

مصطفی نامی ایک طالب علم نے پاؤں سے امتحان کی کاپی لکھ کرپی یوسی دوم میں شاندار کامیابی درج کی ہے۔ دسویں اور بارہویں جماعت کےبعد بی اے کی تعلیم کارُخ کرنےوالا یہ طالب علم آئی اے ایس افسر بننےکاخواب رکھتاہے۔

مصطفیٰ نامی یہ طالب علم پیدائش سے ہی اپنے دونوں ہاتھوں سےمحروم ہے۔ اس نے اپنے پاؤں سے لکھ کر ہی امتحان دیا اور اس کو دسویں جماعت میں75فیصد،پی یوسی اول میں84 اور پی یوسی دوم میں 80 فیصد مارکس ملے ہیں۔

امتحان میں لکھنےکے لئے اس سے کسی کی مدد لینے کی پیشکش بھی کی گئی تھی ، لیکن اس نے کسی کی مدد نہیں لی۔ وہ اپنی کامیابی کو والدین کی محنت کا نتیجہ بتاتا ہے۔

مصطفی کا تعلق کرناٹک کے بلاری ضلع کےکوڑگل دیہات سے ہے اور اس کے والدپیشہ سے ٹرک ڈرائیور ہیں۔