کیرالہ طیارہ حادثہ : کھائی میں گر کر دو ٹکڑے ہوا طیارہ ، جانئے آخر کیسے بچ گئی 150 سے زیادہ مسافروں کی جان

کیرالہ کے کوزی کوڈ ائیر پورٹ پر دبئی سے آرہا ائیرانڈیا کا طیارہ جمعہ کی شام کو حادثہ اک شکار ہوگیا ۔ اس حادثہ میں اب تک 18 افراد کی جان گئی ہے ۔ دونوں پائلٹ کی بھی موت ہوگئی ہے جبکہ سو سے زیادہ مسافر زخمی ہوئے ہیں ۔ طیارہ میں 190 افراد سوار تھے ۔ (Image: Special Arrangement)

حادثہ کے دوران طیارہ رن سے پھسل کر 35 فٹ گہری کھائی میں گر گیا اور پھر دو حصوں میں ٹوٹ گیا ۔ حادثہ کی تصویریں ڈرانے والی ہیں ۔ مسافروں کی قسمت اچھی تھی کہ حادثہ میں کم لوگوں کی موت ہوئی ہے ۔ (Image: Special Arrangement)

کوزی کوڈ میں شام سات بج کر اکتالیس منٹ پر رن وے پر طیارہ پھسل گیا ۔ کوزی کوڈ ائیر پورٹ کے ایک افسر کے مطابق وہاں کئی گھنٹوں سے زور دار بارش ہورہی تھی ، ایسے میں طیارہ کے پائلٹ کیپٹن وسنت ساٹھے نے ائیر پورٹ کے دو چکر لگانے کے بعد رن وے پر اترنے کی کوشش کی ۔

ساٹھے فضائیہ کے تجربہ کار پائلٹ رہ چکے ہیں اور انہیں وہاں سورڈ آف آنر سے نوازا گیا تھا ۔ پہلی کوشش کے وقت کیپٹن ساٹھے کو یہ مشکل کام لگا ۔ ایسے میں وہ طیارہ لینڈ کرنے کی بجائے اس کو دوبارہ آسمان میں لے گئے ۔ (Image: AP)

اس کے تھوڑی دیر بعد انہوں نے دوبارہ کوشش کی ۔ اس مرتبہ انہوں نے طیارہ کو رن وے پر اتارا ، لیکن وہاں پانی جمع ہونے کی وجہ سے طیارہ رن وے سے آگے نکل کر گھائی میں گر گیا اور وہاں اس کے دو ٹکڑے ہوگئے ۔ (Image: AP)

عام طور پر ایسے بڑے حادثہ میں کسی کے بھی بچنے کی امید انتہائی کم ہوتی ہے ، لیکن یہاں طیارہ میں سوار 190 لوگوں میں سے صرف 18 لوگوں کی موت ہوئی جبکہ 150 سے زیادہ لوگ اسپتال میں بھرتی ہیں ۔ . (Image: AP)

حادثہ میں دونوں پائلٹ کی موت ہوگئی ۔ تاہم طیارہ کو کسی بڑے حادثہ سے بچانے میں پائلٹ دیپک وسنت ساٹھے کا تجربہ کام آیا ۔ ساٹھے ائیر فورس کے ونگ کمانڈر تھے ۔ (Image: AP)

افسران کے مطابق انہیں کوزی کوڈ سیکٹر میں طیارہ اڑانے کا طویل تجربہ تھا ۔ ساٹھے نے خراب موسم کی وجہ سے رن وے کے اوپر دو چکر لگائے ۔ اس کے بعد انہوں نے لینڈ کرنے کی کوشش کی ۔ غنیمت یہ رہی کہ طیارہ میں آگ نہیں لگی ۔ (Image: AP)

حادثہ کا شکار ہوتے ہی طیارہ کا ایندھن لیک ہونے لگا ۔ ایسے میں ریسکیو آپریشن میں تھوڑی تاخیر ہوئی ۔ (Image: AP)

راحت کی بات یہ ہے کہ رن وے پر افسران نے ایندھن لیک ہوتے ہی دیکھ لیا اور سب سے پہلے اس کو روکنے کی کوشش کی گئی ۔ اگر ایسا نہیں کیا جاتا تو پھر آگ لگنے کا خطرہ تھا ۔ Kerala. (Image: AP)

عام طور پر کسی بھی حادثہ میں طیارہ میں آگ لگ جاتی ہے ۔ ایسے میں کسی کو بچانا مشکل ہوجاتا ہے ۔ لیکن راحت کی بات یہ رہی کہ افسران کی سوجھ بوجھ کی وجہ سے ایسا نہیں ہوا ۔ (Image: AP)

حادثہ کا شکار ہوا ائیر انڈیا کا طیارہ ۔ (Image: AP)

حادثہ کا شکار ہوا ائیر انڈیا کا طیارہ ۔ (Image: Special Arrangement)

حادثہ کا شکار ہوا ائیر انڈیا کا طیارہ ۔ (Image: Special Arrangement)