کسانوں اور ماہی گیروں کی سوچتے ہیں وزیر اعظم مودی ، اسٹالن کو صرف بیٹے کا خیال : امت شاہ

مرکزی وزیر داخہ امت شاہ نے ہفتہ کو مبینہ بدعنوانی اور کنبہ پروری کی سیاست کیلئے ڈی ایم کے ۔ کانگریس اتحاد پر نشانہ سادھتے ہوئے کہا کہ صرف اے آئی اے ڈی ایم کے ۔ بی جے پی اتحاد ہی تمل ناڈو کی ثقافت میں یقین کرنے والے لوگوں کا تحفظ کرسکتا ہے ۔ تصویر : ANI/Twitter

انہوں نے ووٹروں سے واضح اکثریت کے ساتھ این ڈی اے امیدواروں کو کامیاب بنانے کی اپیل کی ۔ انہوں نے کہا کہ اے آئی اے ڈی ایم کے ۔ بی جے پی اتحاد ہی تمل ناڈو کے ماہی گیروں ، بے روزگار نوجوانوں ، خواتین ریاست کے کلچر میں یقین کرنے والوں کا تحفظ کرسکتا ہے ۔ انہوں نے دعوی کیا کہ اسٹالن کو صرف اپنے بیٹے کی فکر ہے ۔ تصویر : ANI/Twitter

انہوں نے کہا کہ وزیر اعظم مودی نے ملک بھر میں ترقیات سے وابستہ پہل کی شروعات کی ہے ۔ اس کو تمل ناڈو میں بھی آنا چاہئے تاکہ تمل ناڈو کیلئے سابق وزرائے اعلی ایم جی رام چندرن اور جے للتا نے جو خواب دیکھے تھے ، اس کو پورا کیا جاسکے ۔ تصویر : ANI/Twitter

بتادیں کہ تمل ناڈو میں چھ اپریل کو ووٹنگ ہوگی ۔ اسی درمیان امت شاہ ریاست میں پہنچے ہیں ۔ یہاں انہوں نے تھاوزینڈ لائٹس سیٹ سے بی جے پی کی امیدوار خوشبو سندر کی حمایت میں تشہیری مہم چلائی ۔ اس دوران وہ یہاں منعقدہ ایک روڈ میں بھی شامل ہوئے ۔ تصویر : ANI/Twitter

بتادیں کہ کچھ دنوں پہلے مرکزی وزیر اسمرتی ایرانی نے بھی بی جے پی امیدوار وانتی شری نیواس کی حمایت میں تشہیری مہم چلائی تھی ۔ تصویر : ANI/Twitter