تصویریں: دہلی میں چھایا گھنا کہرا، نہیں نظر آ رہا کچھ بھی، 25 ٹرینیں چل رہیں تاخیر سے

قومی دارالحکومت دہلی اور اس کے مضافات کے علاقوں میں ہفتے کی صبح سے ہی گھنا کہرا چھایا ہوا ہے۔ اس سے وزیبلٹی کافی کم ہو گئی ہے۔ کچھ ہی قدم کی دوری پر صاف صاف کچھ بھی دکھائی نہیں دے رہا ہے۔ ایسے میں سڑکوں پر گاڑیاں رینگ رینگ کر چل رہی ہیں۔ اطلاعات کے مطابق، کہرے کی وجہ سے 25 ٹرینیں کافی تاخیر سے چل رہی ہیں۔ یہ سبھی ٹرینیں دہلی کے آس پاس کی ہیں۔ وہیں، کہرے کی وجہ سے سردیوں میں اضافہ ہوا ہے۔ ٹھنڈ کی وجہ سے لوگوں کا گھروں سے باہر نکلنا مشکل ہو گیا ہے۔

دراصل، دارالحکومت دہلی میں ٹھنڈ کا اثر ختم ہونے کا نام نہیں لے رہا ہے۔ مسلسل کئی دنوں سے شیت لہر کی صورت حال بنی ہوئی ہے۔ جمعہ کو بھی دہلی میں صبح کہرے کی موٹی پرت چھائی ہوئی تھی۔

آنند وہار علاقے میں بھی صبح صبح گھنا کہرا چھایا رہا۔ وزیبلٹی تقریبا صفر تک پہنچ گئی۔ اس سے لوگوں کو سڑکوں پر گاڑی چلانے میں کافی دقت ہو رہی تھی۔

وہیں، سنگھو بارڈر پر بھی کہرے کی موٹی پرت چھائی ہوئی تھی۔ بتا دیں کہ یہاں پر کسان ہفتوں سے احتجاجی مظاہرہ کر رہے ہیں۔ ایسے میں ٹھنڈ کی وجہ سے کسان اپنے اپنے خیموں میں قید ہو گئے ہیں۔

گھنے کہرے کے سبب آمد ورفت بھی شدید متاثر ہوئی ہے۔ گاڑیاں سڑکوں پر دھیمی رفتار سے چل رہی ہیں۔ دہلی میں ایک بار پھر سے ٹھنڈ اور کہرے کا دور شروع ہونے کا پیشگی اندازہ ہے۔