تیل سے بھرا ٹینکر پلٹا تو مچی لوٹ، ہاتھوں میں بالٹیاں اور ڈرم لیکر بھرنے پہنچے لوگ: دیکھئے ماجرا

مہندر گڑھ۔ ہریانہ کے مہندر گڑھ ضلع کے گاؤں پالی کے قریب دیر رات سرسوں کے تیل سے بھرا ٹینکر بے قابو ہو کر پلٹ گیا۔ یہ ٹینکر تیل لے کر چانگ سے جے پور جا رہا تھا۔ جیسے ہی لوگوں کو آئل ٹینکر کے پلٹنے کا پتہ چلا تو آس پاس کے لوگ ہاتھوں میں بالٹیاں، ٹینک، ڈرم اور دیگر برتن لے کر موقع پر پہنچ گئے اور تیل لوٹنا شروع کر دیا۔

ٹرک ڈرائیور نے مالک اور پولیس کو اس معاملے کی اطلاع دی۔ اطلاع ملنے پر ڈائل 112 کی ٹیم موقع پر پہنچ گئی۔ ٹرک ڈرائیور کے مطابق ڈائل 112 آنے کے بعد بھی لوٹ جاری تھی جس کی پولیس اہلکاروں نے ویڈیو بھی بنائی ہے۔

ٹینکر خالی نہ ہونے تک سیکڑوں لوگوں نے تیل لوٹ لیا۔ یہاں تیل لوٹنے کا سلسلہ مچا رہا ۔ ساتھ ہی مہیندر گڑھ صدر پولیس اسٹیشن میں شکایت دی گئی۔ پولیس نے جائے وقوعہ کا معائنہ کیا اور معاملے میں کارروائی کرنے کی بات کہی۔

اسی دوران ڈرائیور نے بتایا کہ آگے سے دو گاڑیاں آرہی تھیں جس کی وجہ سے تیل سے بھرا ٹینکر پلٹ گیا۔ یہ ٹینکر جے پور تیل لے کر جا رہا تھا۔ ٹینکر پلٹنے کے بعد جب آس پاس کے گاؤں والوں کو اس کا علم ہوا تو تیل لوٹنے کی ہوڑ مچ گئی۔

لوگوں کے ہاتھ جو لگا اسے لوٹ کر وہاں سے نکل پڑے۔ ہم نے ان کی ویڈیو بھی بنائی ہے۔ ساتھ ہی پولیس اور ٹینکر کے مالک کو بھی اس کی اطلاع دے دی گئی ہے۔

اسی دوران آئل مل کے مالک نے بتایا کہ ڈرائیور نے ہمیں اطلاع دی کہ مہندر گڑھ کے پالی گاؤں کے قریب آئل ٹینکر پلٹ گیا ہے۔ جس کے بعد ہم موقع پر پہنچ گئے۔ آس پاس کے لوگوں نے سارا تیل لوٹ لیا۔ ٹینکر میں 28 ٹن تیل تھا جس کی قیمت تقریباً 43 لاکھ روپے تھی۔ اس معاملے میں پولیس کو شکایت دی گئی ہے۔ پولیس سے جلد از جلد لوٹ مار کرنے والوں سے تیل برآمد کرکے کارروائی کئے جانے کی گہار لگائی گئی ہے۔