Ram Mandir Ayodhya: رام مندر کا 60 فیصد کام مکمل، نیوز18 کے ساتھ دیکھئے تصاویر

ایودھیا : شری رام جنم بھومی تیرتھ چھیتر ٹرسٹ ہر ماہ مندر کی تعمیر کے پیش رفت سے بھگوان رام کے عقیدتمندوں کو واقف کراتا رہتا ہے ۔ اس وقت رام مندر کی تعمیر کا کام کافی تیزی سے چل رہا ہے ۔ وہیں نیوز18 لوکل کی ٹیم مندر کے گربھ گرہ میں پہنچی ۔

مندر کی تعمیر کے پہلے مرحلہ کا کام تقریبا 60 فیصد مکمل ہوچکا ہے ۔ اس وقت گرہ منڈپ اور سنگھ دوار کا کام جاری ہے۔

وہیں سریو کے پانی سے رام مندر کو ہزاروں سال تک محفوظ رکھنے کیلئے ریٹیننگ وال بنائی جارہی ہے، جس کی تعمیر تقریبا پوری ہوچکی ہے۔

مندر کے چاروں طرف پرکوٹے کی تعمیر شروع ہوئی ہے، جہاں بھگوان رام کی زندگی سے جڑے ہوئے لگ مہارشی والمیکی ، مہارشی وشوامتر، مہارشی وششٹھ نشاد، راج ماتا شبری کے علاوہ کئی لوگوں کے اور بھی مندر بنائے جائیں گے ۔

فی الحال بھگوان رام للا کے مندر کے گراونڈ فلور کی تعمیر کا کام تیزی سے جاری ہے ۔ رام للا کے گربھ گرہ اور بوتل میں لگنے والے ستون اب شکل اختیار کرچکے ہیں ۔ ستون کی اونچائی 20 فٹ ہونی ہے۔ اس کے علاوہ رام للا کا سنگھ دوار بھی شکل اختیار کرتا ہوا نظر آرہا ہے ۔ اسی سے عقیدتمند درشن کیلئے داخل ہوں گے۔

اتنا ہی نہیں بھگوان رام کے مندر کی تعمیر میں چنڈی گڑھ میں بنائی گئی تین ہول والی اینٹیں لگائی جارہی ہیں ، جس پر بھگوان رام کا نام اور سن (2021 ، 2022) لکھا ہوا ہے ۔

ایودھیا میں رام مندر کی تعمیر کا کام زور و شور سے جاری ہے ۔

ایودھیا میں رام مندر کی تعمیر کا کام زور و شور سے جاری ہے ۔