اورنگ آباد کے کارپوریشن اسکولوں میں کمپیوٹروں کی تقسیم

اورنگ آباد میں ایم آئی ایم کے ممبر اسمبلی امتیاز جلیل نے اپنے ایم ایل اے فنڈ سے میونسپل کارپوریشن کے اسکولوں کو 66 کمپیوٹر فراہم کیے ہیں۔

یہ کمپیوٹرایک تقریب میں میونسپل کمشنر کی موجودگی میں اساتذہ کے سپرد کئے گئے۔

اورنگ آباد میں یہ پہلا موقع ہے جب کسی ایم ایل اے کے فنڈ سے سرکاری اسکولوں کے طلبہ کوکمپیوٹردیئے گئے ۔

ایم آئی ایم کے رکن اسمبلی امتیاز جلیل نے اورنگ آباد میونسپل کارپوریشن کے تحت چلنے والے پرائمری اسکولوں کے بچوں کو جدید ٹیکنالوجی سے متعارف کرانے اور انہیں عصری تعلیم میں آگے بڑھانے کے مقصد سے ایم ایل اے فنڈ سے66 کمپیوٹرسرکاری اسکولوں کو فراہم کئے۔

ساتھ ہی کارپوریشن اسکولوں کے طلبہ کو کمپیوٹر کی ٹریننگ دینے کے لیے اساتذہ کا تقرراوران کی تنخواہ ایم ایل اے فنڈ سے جاری کرنے کا اعلان کیا۔

اس موقع پر میونسپل کمشنراوم پرکاش بکوریا نے ایم ایل اے کے اس اقدام کی ستائش کی اوراساتذہ کو کچھ نصیحتیں بھی دیں ۔

نرالہ بازار کے تاپڑیا ناٹیہ گرہ میں کمپیوٹر تقسیم کرنے کی اس تقریب میں بچوں کا جوش وخروش لائق دید تھا۔

اساتذہ نے بھی رکن اسمبلی کے اقدام کی ستائش کی ۔

اس موقع پر میونسپل کمشنر اوم پرکاش بکوریا نے کارپوریشن کے کمپیوٹر ڈپارٹمنٹ کی جانب سے پرائمری اسکولوں کے اساتذہ کو کمپیوٹر کی ٹریننگ دینے کا اعلان کیا اور اساتذہ سے اس ٹریننگ میں شرکت کی اپیل کی ۔

اساتذہ نے بھی رکن اسمبلی کے اقدام کی ستائش کی ۔

اساتذہ نے بھی رکن اسمبلی کے اقدام کی ستائش کی ۔