پیٹ درد سمجھ کر 12 سال کی بیٹی کو اسپتال لے گئے ماں باپ، آئی ایسی رپورٹ کہ دیکھتے ہی اڑگئے ہوش

بچپن سے ہی یہ بچی بال کھاتی تھی جس کی وجہ سے پیٹ میں بالوں کا گچھا جمع ہو گیا تھا۔ تھانے ضلع کے کلیان میں ڈاکٹروں نے 12 سالہ بچی کے پیٹ سے 650 گرام بالوں کا گچھا کامیابی سے نکالے ہیں۔ (لڑکی کا نام خفیہ رکھاگیا ہے کیونکہ وہ نابالغ ہے)۔

بچپن سے اپنے بال کھینچ کر کھا رہی تھی۔ جس کی وجہ سے اس کے پیٹ میں ایک بڑی گیند تیار ہو گئی تھی جس کی وجہ سے وہ بیمار ہوگئی اور اس کے پیٹ میں شدید درد شروع ہوگیا۔

دو دن پہلے لڑ کی کی اوپن سرجری کی اور تقریبا 650 گرام وزنی بالوں کو نکالا گیاجوپیٹ میں پوری جگہ پر قبضہ کر لیا تھا۔

اسپتال انتظامیہ نے بتایا کہ بچی سرجری کے بعد وارڈ میں عام کھانا کھا رہی ہے اور تیزی سے صحت یاب ہو رہی ہے۔ روہت پروانی جنرل اور لیپروسکوپک سرجن ا سٹارسٹی ملٹی اسپیشلٹی اسپتال کلیان (ایسٹ) کے مطابق یہ حالت ان لوگوں میں دیکھی جاتی ہے جو نفسیاتی عارضہ ٹرائکوفجیا میں مبتلا ہوتےہیں۔

سرجنوں نے کم سے کم انویسیو لیپروسکوپک سرجری کو مسترد کر دیا کیونکہ انہیں خدشہ تھا کہ اس طریقہ کار کے لئےاستعمال ہونے والے سامان بالوں کو الجھا سکتے ہیں جس سے اس کی حالت مزید خراب ہو سکتی ہے۔

والدین نے بتایا کہ اس نے دو سال کی عمر میں بال کھانا شروع کیا تھا۔ شروع میں اس چیز کو سنجیدگی سے نہیں لیا گیا اور اس کےپیٹ بالوں کا گچھا بن گیا۔

ڈاکٹر پروانی نے بتایا کہ وہ عام کھانا نہیں کھا سکتی تھی ، درد اور بار بار قے کی وجہ سے اس کاوزن صرف 20 کلو ہو چکا تھا جو کہ اس کی عمر کے حساب سے اس کا وزن آدھے سے بھی کم ہو چکا تھا۔

سی ٹی اسکین کی رپورٹ کے مطابق پورا پیٹ مضبوطی کےساتھ بالوں سے بھرا ہوا تھا۔بچپن میں بچے کے بال کھانے کی عادت کو سنجیدگی سے نہیں لیا جاتا تھا جو بعد میں مصیبت میں بن جاتی ہے ۔

ایسی صورتحال میں اس واقعے کے بعد تمام والدین کو اس بات کا خاص خیال رکھنا چاہئےکہ ان کا بچہ ایسی عادت تو نہیں اگر ہےتو بڑی پریشانی آنے سے پہلے اپنے بچے کو ڈاکٹر کے پاس لے جائیں اور مشورہ لیں۔