پیٹھ پر بیوی کو اٹھائے 71 سالہ شخص کا چھلکا درد ، کہا: بھکاری نہیں مزدور ہوں، سرکار کی مار سے مجبور ہوں

چھتیس گڑھ کے درگ ضلع کی سڑکوں پر ان دنوں انہیں باتوں کو دوہراتے ہوئے ایک 71 سالہ سن رسیدہ شخص اپنی بیوی کو پیٹھ پر اٹھائے اس کے علاج کیلئے پیسے جمع کررہا ہے ۔ بھکاری کی طرح نظر آنے والا یہ شخص دراصل مزدور ہے ۔ لیکن اس کو لاچاری ہی کہا جائے گا کہ پیسے ہونے کے باوجود یہ شخص بھیک مانگنے پر مجبور ہے ۔

71 سال کی عمر میں جب لوگ سکون کے ساتھ گھر بیٹھ کر زندگی گزارتے ہیں تو دوسری طرف یہ سن رسیدہ شخص جدوجہد کررہا ہے ۔ آنکھوں میں امید جگائے ہاتھوں کو لوگوں کو کے سامنے پھیلائے پیٹھ پر اپنی اہلیہ کو اٹھائے یہ بھیک مانگنے پر مجبور ہے ۔ شہر کے مختلف چوک چوراہوں کی سڑکوں پر ایسے ہی نظر آتا ہے ۔

دراصل اس کی اہلیہ ساکو دیوی کو پیروں کی بیماری ہے ، جس کی وجہ سے وہ چل نہیں سکتیں ۔ علاج کیلئے پیسے نہیں ہیں اور کوئی فریاد سننے والا نہیں ہے ۔ لہذا رام پرویش بھیک مانگ کر پیسے جمع کررہا ہے ۔ رام پرویش نے فوڈ کارپوریشن آف انڈیا میں تقریبا 28 سالوں تک اپنی خدمات دیں ۔ کچھ وقت پہلے تک یہ درگ میں کام کررہا تھا ۔

لیکن اچانک اس کو کام سے نکال دیا گیا ۔ اتنا ہی نہیں زندگی بھر کی کمائی بھی ابھی تک نہیں دی گئی ۔ رام پرویش کے مطابق آٹھ لاکھ سے زیادہ اس کو لینا ہے ، لیکن پیسہ نہیں دیا جارہا ہے ۔ اس سلسلہ میں اس نے کلیکٹر سے بھی فریاد کی ، لیکن پریشانی کا کوئی حل نہیں نکل سکا ۔

ہر روز آٹھ سے دس گھنٹے تک پیٹھ پر چاول کی بوریاں ڈھونے والا شخص آج مصیبت میں اپنی بیوی کے بوجھ کو پیٹھ پر ڈھو رہا ہے ۔

آنکھوں میں آنسو لئے رام پرویش کہتے ہیں کہ مجھے بھیک مانگنا پسند نہیں ، لیکن بیوی کے علاج میں خرچ ہونے والے ہزاروں روپے اکٹھا کرنے کیلئے مجبوری میں بھیک مانگنا پڑ رہا ہے ۔