اچانک کھیل۔کود میں بگڑی طبیعت تو محض 12 سال کی بچی نے دیا بچے کو جنم، ماں کے اڑے ہوش

جودھپور: ضلع جودھپور کے دیہی علاقے سے ایک چونکا دینے والا معاملہ سامنے آیا ہے۔ ضلع کے بالیسر قصبے میں ایک 12 سالہ لڑکی کا 8 ماہ قبل اسکول کے ایک ہم جماعت نے ریپ کیا تھا۔ اس کی وجہ سے بچی حاملہ ہو گئی۔

اس کے بعد اب اس نے ایک بچے (Baby) کو جنم دیا ہے۔

معاملہ سامنے آنے کے بعد پولیس نے اہم ملزم سمیت تین نابالغوں کو حراست میں لے لیا ہے۔

پولیس پورے معاملے کی تحقیقات میں مصروف ہے۔ پولیس کے ایکشن میں آنے کے بعد چائلڈ پروٹیکشن کمیشن بھی جودھپور کے عمید اسپتال پہنچ گیا اور متاثرہ سے ملا اور پولیس کو فوری کارروائی کا حکم دیا۔

پولیس کے مطابق بالیسر کے ایک گاؤں میں ایک 12 سالہ لڑکی کا 8 ماہ قبل ریپ کیا تھا۔ اسکول سے گھر لوٹتے وقت لڑکی کے اسکول کے 3 ہم جماعتوں نے اسے اٹھایا اور ایک ویران گھر میں لے گئے۔ وہاں ایک ہم جماعت نے لڑکی کا ریپ کیا اور دو ہم جماعتوں نے کمرے کے باہر پہرہ دیا۔

اس وقت متاثرہ نے ریپ کا واقعہ خوف کی وجہ سے کسی کو نہیں بتایا لیکن وہ حاملہ ہو گئی۔

متاثرہ بھی اس بات کو نہیں سمجھ سکی۔ اب اس واقعے کے آٹھ ماہ بعد جب متاثرہ نے بچے کو جنم دیا ہے ، تب یہ ریپ کا واقعہ سامنے آیا ہے۔

ریپ کے چند ماہ بعد متاثرہ کا پیٹ بڑھنے لگا۔ متاثرہ نے واقعہ کے بارے میں نہیں بتایا اور ماں نے بڑھتے ہوئے پیٹ کو گانٹھ سمجھ لیا۔

لڑکی اس دوران کھیل کود میں مست رہی لیکن جب لڑکی کی صحت اچانک بگڑنے لگ گئی تو اسے جودھپور کے عمید اسپتال میں داخل کرایا گیا۔

ڈاکٹروں نے اس کا معائنہ کیا اور اسے لیبر روم میں بھیج دیا۔ آدھے گھنٹے بعد جب اسپتال کے عملے نے بچہ پیدا ہونے کی جانکاری متاثرہ کی ماں کو دی تو وہ زور زور سے رونے لگی۔

پولیس معاملے کی جانچ کرتے پوئے ایکشن موڈ می ہے اور اغوا اور ریپ کرنے والے تین طلبا کو حراست میں لے لیا ہے۔