عاشق اور معشوقہ کے درمیان اس بات کو لیکر ہوا جھگڑا تو لڑکے نے لڑکی کے ساتھ کر ڈالا یہ خوفناک کام

ممبئی کرائم برانچ یونٹ 9 نے 21 سالہ خاتون کے قتل کا معاملہ کچھ ہی گھنٹوں میں حل کر لیا ملزم عاشق بپن کنڈولنا نے اپنی ہی گرل فرینڈ پرچاقو سے حملہ کرکے موت کے گھاٹ اتار دیا۔ پولیس نے دفعہ 302 کے تحت مقدمہ درج کیا اور مزید تفتیش شروع کردی ہے۔

پولیس افسر سے موصولہ اطلاع کے مطابق پولیس کو فون آیا کہ باندرہ علاقے میں واقع سینٹ فرانسس چرچ کے قریب ایک خاتون بے ہوش پڑی ہوئی ہے ، جب خاتون کو اسپتال لے جایا گیا تو ڈاکٹر نے اسے مردہ قرار دے دیا۔

باندرہ پولیس کے تحت پولیس اے ڈی آر کے تحت مقدمہ درج کرنے کے بعد تفتیش شروع کردی اور ان کے ساتھ ہی کرائم برانچ کی ٹیم بھی اس معاملے کی تحقیقات کر رہی تھی۔

کرائم برانچ کے افسر نے دیکھا کہ خاتون کی گردن پر نشان ہے اور اس کے زخم بھی ہیں جس کے بعد اس نے خاتون کی شناخت کرنے کی کوشش کرنا شروع کردی۔

باندرہ اور دیگر علاقوں میں خاتون کی معلومات لینی چاہی لیکن کچھ پتہ نہیں چل سکا۔ کرائم برانچ کو خفیہ معلومات حاصل ہو ئی کہ مقتول خاتون لال متی جھوپڑپٹی ، رنگ شاردا ہوٹل ، چرچ کے قریب ، سی مارگ باندرہ ویسٹ میں کرائے کے مکان میں رہتی ہے۔

وہاں جانے کے بعد معلوم ہوا کہ اس عورت کے ساتھ ایک لڑکا بھی ہے اور یہ دونوں جھارکھنڈ سے آئے ہوئے ہیں اور دو ماہ سے یہیں مقیم ہیں جس کے بعد یہ بات واضح ہوگئی کہ اس کے عاشق کے ساتھ جھگڑا ہوگا۔

کرائم برانچ کی ٹیم بپن کندولانا کی تلاش میں جٹ گئی۔ کرائم برانچ کو پتہ چلا کہ عاشق باندرہ کے آشرواد ہوٹل میں ٹھہرا ہوا ہے اور وہیں سے جھارکھنڈ فرار ہونے کی سوچ رہا ہے۔ ملزم کو پولیس نے گرفتار کرلیا اور جب تفتیش شروع ہوئی تو ملزم عاشق نے اعتراف کیا کہ اس نے یہ قتل کیا ہے۔

ملزم نے مزید بتایا کہ ہم لوگ بہت دنوں سے ایک دوسرے کے ساتھ رہ رہے تھے اور موت کی رات ہی اس کی گرل فرینڈ نے رشتہ بنا یا۔

مہلوک خاتون نے ملزم سے مطالبہ کرنا شروع کردیا کہ مجھ سے شادی کرو اور مجھےڈیڑھ لاکھ روپے بھی چاہئے۔ اگر نہ دیا تو میں جھوٹی عصمت دری کا مقدمہ دائر کروں گی اور دونوں کے مابین پیسوں کے بارے میں جھگڑا ہوتا رہااتوار کو موقع دیکھ کر عاشق نے گرل فرینڈ کا گلا گھونٹ کر موت کے گھاٹ اتاردیا اور لاش کو دوسری جگہ رکھ دیا تاکہ کوئی پہچان نہ سکے اور خود ممبئی سے فرار ہو جائے۔'

پولیس نے مقدمہ درج کرکے ملزم کو گرفتار کرلیا ہےاور مزید تفتیش شروع کردی ہے۔