بچے کو زیادہ دودھ پلانے پر شخص نے پہلے کی انجینئر بیوی کی پٹائی، پھر گھر سے نکالا اور۔۔۔

احمد آباد۔ دنیا میں ہر ماں باپ کی خواہش ہوتی ہے کہ ان کا بچہ صحت مند رہے۔ لہذا، وہ ہمیشہ اپنے بچے کو اچھا کھانا دیتے ہیں۔ لیکن گاندھی نگر کے رہنے والے آنند اسودیا کو لگتا تھا کہ ان کی بیوی فالگنی اسودیا بچے کو زیادہ دودھ پلاتی ہے جس کی وجہ سے ان کے بچے کا وزن بڑھ گیا ہے۔

اس بات پر آنند نے فالگونی کی پٹائی کر ڈالی۔ یہی نہیں اسے گھر سے بھی نکال دیا گیا۔ اس کے بعد جی آئی ڈی سی میں اسسٹنٹ انجینئر کے طور پر کام کرنے والی 37 سالہ فالگونی نے پولیس سے اپنے شوہر کی حرکتوں کی شکایت کی۔

احمد آباد مرر کی ایک رپورٹ کے مطابق، فالگنی اسودیا نے شہر کے کرشنا نگر پولیس اسٹیشن میں مقدمہ درج کرایا ہے۔

پولیس کے مطابق فالگونی نے اپنے سسرال والوں پر جہیز مانگنے کا الزام بھی لگایا ہے۔ ایف آئی آر میں کہا گیا ہے کہ فالگنی کے سسرال والوں نے اس سے 25 لاکھ روپے کا جہیز لانے کو کہا تھا۔ جب اس نے لڑکے کو جنم دیا تو اس کے شوہر آنند نے اس پر اپنے بیٹے کو زیادہ دودھ پلانے کا الزام لگایا اور کہا کہ اس سے بچے کا وزن بڑھ گیا ہے۔

فی الحال پولس نے مقدمہ درج کر کے تفتیش شروع کر دی ہے۔