گجرات : ایک ایسا گاوں جہاں پانی نہ ہونے کی وجہ سے کنواروں کی نہیں ہورہی شادیاں

گجرات کو بھلے ہی پورے ہندوستان کے وکاس کا ماڈل بتایا جا رہا ہو، لیکن وکاس کا آئینہ دکھانے والے گجرات کے ایک گاؤں کی کہانی ایسی ہے ، جہاں گندا پانی لوگوں کے لئے پریشانی کا سبب بنا ہوا ہے ۔ ایک طرف جہاں گرمی میں لوگوں کو پینے کے پانی کے لئے پریشان ہونا پڑتا ہے، وہیں اس گاؤں میں رہنے والوں کو گندے پانی کے مصیبت سے دو چار ہونا پڑتا ہے ۔

یہ کہانی گجرات کے کسی اندرونی گاؤں کی نہیں بلکہ احمدآباد سے تیس کلومیٹر کی دوری پر موجود چوسر گاؤں کی ہے ۔ گندے پانی کی وجہ سے جہاں گاؤں کے لوگوں کو مشکلات سے دو چار ہونا پڑتا ہے ، وہیں اس گاؤں میں رہنے والے لوگوں کی شادی بھی نہیں ہو رہی۔

گرمی کے موسم کی شروعات ہوتے ہی لوگوں کو پانی کی قلت کا سامنا کرنا پڑتا ہے ۔لیکن احمد آباد کے بالکل پاس میں ایک ایسا گاؤں ہے جہاں پر پینے کے پانی کہ قلت کے ساتھ ہی ساتھ گندے پانی کے پریشانی سے دو چار ہونا پڑ رہا ہے ۔

گندے پانی کا استعمال کرنے کی وجہ سے چوسر گاؤں میں رہنے والے لوگ کئی بیماریوں کا شکار بھی ہو چکے ہیں ۔اتنا ہی نہیں گندے پانی کی وجہ سے ہونے والی بیماری کو لے کراس گاؤں میں رہنے والے لوگوں کی شادی بھی نہیں ہو رہی ہے۔

چوسر گاؤں میں گندے پانی کا مسئلہ کوئی آج کی بات نہیں ہے ، بلکہ 35 سال پرانی ہے۔ اس گاؤں میں رہنے والی خواتیں کے سونے چاندی کے زیورات بھی گندے پانی کی وجہ سے سیاہ پڑ جاتے ہیں ۔

چوسر گاؤں میں رہنے والے لوگ کھیتی کر کے اپنی زندگی گزارتے ہیں ۔ اس گاؤں میں گندے پانی کا مسئلہ اس حد تک بڑھ گیا ہے کہ لوگوں کو گاؤں چھوڑ کر جانے کو مجبور ہونا پڑ رہا ہے ۔

علاقے کے سماجی کارکن جيش کا کہنا ہے کہ گندے پانی کے مسئلہ کو لے کر گزشتہ 35 سالوں سے شکایت کی جا رہی ہے ، لیکن حکومت ہماری شکایات پر توجہ نہیں دے رہی ، جس وجہ سے مجبور ہو کر لوگ گاؤں چھوڑ کر جارہے ہیں۔

گجرات کو بھلے ہی وکاس کا ماڈل بتایا جا رہا ہو، لیکن ایسا لگتا ہے کہ چوسر گاؤں میں وکاس پہنچتے پہنچتے اپنا دم توڑ دیتا ہے۔اور اسی لئے گاؤں کے لوگوں کو گندے پانی کی پریشانی سے دو چار ہونا پڑتا ہے ۔

صرف گندا پانی گاؤں میں رہنے والے لوگوں کے لئے مصیبت کا سبب نہیں ہے بلکہ اس گاؤں میں رہنے والے لوگوں کی گندے پانی کی وجہ سے شادی بھی نہیں ہو رہی ہے ، اسی لئے کہا جا سکتا ہے کہ چوسر گاؤں میں پانی ایک ولن کا کردار ادا کرتا ہوا نظر آرہا ہے۔