Gang Rape: اجتماعی آبروریزی کے بعد متاثرہ خاتون کو بغیر کپڑوں کے سڑک پر چھوڑا، حالت نازک، دو گرفتار

ممبئی : مہاراشٹر کے بھنڈارا ضلع میں ایک 35 سالہ خاتون کی تین لوگوں نے مبینہ طور پر اجتماعی آبروریزی کی اور پھر بعد میں اس کو سڑک کے کنارے پھینک دیا گیا ۔ پولیس نے ہفتہ کو یہ جانکاری دی۔ کردھا پولیس اسٹیشن کے انسپکٹر راجیش تھوراٹ نے بتایا کہ ایک پل کے پاس ایک خاتون کے برہنہ حالت پڑی ہونے کی اطلاع ملنے پر پولیس فوراً موقع پر پہنچ گئی۔ علامتی تصویر ۔

انہوں نے مزید کہا کہ خاتون کو مقامی اسپتال لے جایا گیا، جہاں سے اسے مزید علاج کے لئے ناگپور میڈیکل کالج ریفر کردیا گیا۔ متاثرہ کا بیان بھی قلمبند کر لیا گیا ہے ۔ علامتی تصویر ۔

گونڈیا کے پولیس سپرنٹنڈنٹ (ایس پی) وشو پانسرے نے کہا کہ اس معاملہ کو گونڈیا پولیس کو سونپ دیا گیا ہے۔ انہوں نے کہا کہ ہم نے مقدمہ درج کر لیا ہے اور دو ملزمین کو گرفتار کر لیا ہے۔ مزید تفتیش جاری ہے۔ علامتی تصویر ۔

پولیس نے جن دو ملزمین کو گرفتار کیا ہے، ان کے نام امت ساروے اور محمد انصاری ہیں۔ دونوں ملزموں کو 8 اگست تک پولیس حراست میں بھیج دیا گیا ہے۔ پولیس دیگر ملزم کی تلاش کر رہی ہے اور اس سلسلے میں گونڈیا ضلع کے گورے گاؤں سے لکھنی تک تمام سی سی ٹی وی فوٹیج کی چھان بین کی جا رہی ہے ۔ علامتی تصویر ۔

وہیں مہاراشٹر حکومت نے بھنڈارا ضلع کے گونڈیا میں ہولناک اجتماعی عصمت دری کیس کی جانچ کے لیے ایک خاتون آئی پی ایس افسر کی قیادت میں ایک ایس آئی ٹی تشکیل دینے کا فیصلہ کیا ہے۔ علامتی تصویر ۔

فی الحال زندگی کی جنگ لڑ رہی ہے متاثرہ کی 3-4 لوگوں نے وحشیانہ طریقہ سے اجتماعی عصمت دری کی۔ متاثرہ خاتون ناگپور کے ایک اسپتال میں زیر علاج ہے۔ علامتی تصویر ۔

وہیں ریاست کے وزیر اعلی ایکناتھ شندے نے اس واقعہ کو سنجیدگی سے لیتے ہوئے جلد سے جلد کارروائی کرنے کیلئے کہا ہے ۔ علامتی تصویر ۔