اورنگ آباد میں فرقہ وارانہ فساد ، دو افراد کی موت ، سینکڑوں زخمی ، حکم امتناعی نافذ ، اضافی فورس تعینات

اورنگ آباد میں فرقہ وارانہ فساد پھوٹ پڑا ہے۔ ابتدائی اطلاعات کے مطابق پولیس فائرنگ اور آتش زنی میں دو افراد کی موت ہوگئی جبکہ پتھراو اور لاٹھی چارج میں سینکڑوں افراد زخمی ہوگئے ۔زخمیوں میں ایک اسٹنٹ پولیس کمشنر سمیت ایک درجن سے زائد پولیس اہلکار شامل ہیں ۔

پولیس کمشنر نے شہر میں حکم امتناع نافذ کردیا ہے اور حساس علاقوں میں اضافی فورس تعینات کردی گئی ہے ۔

بتایا جارہا ہے کہ شرپسندوں نے بڑے پیمانے پر نجی املاک دکانوں اور گاڑیوں کو نقصان پہنچایا ہے۔

زیادہ تر دکانیں جل کر خاکستر ہوگئی ہیں ۔

علاقہ میں رات بھر افواہوں کابازار گرم رہا ۔

پولیس نے حالات پر قابو پانے کے لئے آنسو گیس کے گولے داغے اور ہوائی فائرنگ کی ۔

حساس علاقوں میں کثیر تعداد میں سیکورٹی اہلکاروں کو تعینات کردیا گیا۔

شہر کے لیڈروں نے امن کی اپیل کی ہے۔

نجی املاک دکانوں اور گاڑیوں کو نقصان پہنچایا گیا ہے۔

علاقہ میں کشیدگی کا ماحول ہے اور لوگ کافی خوفزدہ ہیں۔