گود میں ڈھائی مہینے کے بچہ کو لے کر اسمبلی پہنچی ایم ایل اے سروج اہیرے، تصاویر وائرل

مہاراشٹر اسمبلی کا سرمائی اجلاس آج سے شروع ہوگیا ہے ۔ آج پہلے دن مہاراشٹر۔ کرناٹک سرحد تنازع کا اٹھا، لیکن وہیں دوسری طرف آج این سی پی ممبر اسمبلی نے سب کا دھیان کھینچ لیا ۔ یہ این سی پی کی دیولالی اسمبلی حلقہ سے ممبر اسمبلی سروج اہیرے ہیں ۔ سروج اہیرے اپنے ڈھائی ماہ کے بچے کے ساتھ اجلاس میں شامل ہوئیں ۔ (تصویر: ویڈیو اسکرین شاٹ، لوکمت، ٹویٹر)

سروج اہیرے نے کہا کہ میں ماں بھی ہوں اور ممبر اسمبلی بھی ہوں اور یہ دونوں فرائض اہم ہیں، اس لئے میں اپنے بچے کو یہاں لے کر آئی ہوں ۔ (تصویر: ویڈیو اسکرین شاٹ، لوکمت، ٹویٹر)

سروج اہیرے نے کہا کہ میرا بچہ بہت چھوٹا ہے، میرے بغیر نہیں رہ سکتا، اس لئے مجھے بچے کو لانا پڑا ۔ (تصویر: ویڈیو اسکرین شاٹ، لوکمت، ٹویٹر)

انہوں نے کہا کہ پچھلے ڈھائی سالوں سے کورونا کی وجہ سے ناگپور میں کوئی سیشن منعقد نہیں کیا گیا تھا، اس لئے میں اپنے ووٹرس کیلئے جواب لینے آئی ہوں ۔ سروج اہیرے نے کہا کہ اسمبلی حلقہ میں کئی اہم ایشوز ہیں، جنہیں اسمبلی میں اٹھانے کی ضرورت ہے ۔ (تصویر: ویڈیو اسکرین شاٹ، لوکمت، ٹویٹر)

ممبر اسمبلی سروج اہیرے کے بیٹے کا نام ادھنسار پروین واگھ ہے، جس کی پیدائش 30 ستمبر کو ہوئی ہے ۔ وہ آج سے شروع ہوئے سرمائی اجلاس کیلئے ناگپور آئی تھیں ۔ تصویر : اے این آئی ٹویٹر ۔

ممبر اسمبلی سروج اہیرے نے کہا کہ ہائی وے پر بچے کو لاتے وقت انہیں کافی پریشانیوں کا سامنا کرنا پڑا، ہائی وے پر کہیں بھی بیت الخلا نہیں ہے، کہیں پانی کی سہولت نہیں ہے، اس لئے وہ ان معاملات کو بھی اٹھائیں گی ۔ تصویر : اے این آئی ٹویٹر ۔