اپنی ہی بیٹی کے ساتھ ماں۔خالہ نے پولیس کے ساتھ مل کر کی ایسی گھنونی حرکت، سی سی ٹی وی فوٹیج سے کھلا راز

ے در اصل نالا سوپارہ کے رہائشی پال سنگھ ناڈار(30) نے بدھ کے روز دہیسر پولیس میں شکایت درج کروائی تھی کہ اس کی اہلیہ ماریہ پالراج دیویندر (22) کو اس کی ماں اور رشتہ داروں نے دہیسرایس وی روڈ سمیلن ہوٹل کے قریب سے ملنےکے لئے بلایا تھا اور وہیں سے اغوا کر لیا۔

واردات کا جائزہ لیتے ہوئے فوری طور پر سینئر پی آئی پروین پاٹل اور انویسٹی گیشن آفیسر چندرکانت گھڑگے اور اے پی آئی ابھینے پوار کی ٹیم موقع پر گئی اور سی سی ٹی وی فوٹیج کو اسکین کیا جس میں ایک سفید ایٹیوس کار میں سوار کچھ افراد ماریہ کو زبردستی اغوا کرتے ہوئے نظر آئے۔

گاڑی کی جگہ اور ماریہ کی والدہ کے موبائل لوکیشن کی بنیاد پر پتہ چلا کہ مہاراشٹر سے گاڑی باہر جارہی ہے۔

تفتیشی افسر گھڑگے نے مہاراشٹر کے تمام ٹول پلازوں کو الرٹ جاری کیا اور ان کی معلومات کی بنیاد پر انہیں مہاراشٹر کے ستارا ٹول پلازہ کے قریب روکا گیا۔

دہیسر پولیس نے موقع پر پہنچ کر 4 ملزمین کوگرفتار کرلیا جن میں ماریہ کی والدہ کوئل امال دیویندر (46) ، پنو تائی (43) خالہ ، نادر سوامی (30) ڈرائیور ، اورارون کمار دیویندر (26) تامل ناڈو پولیس کانسٹیبل شامل ہیں۔

ان سب کو گرفتار کرکے ممبئی دہیسرپولیس اسٹیشن لایا گیا۔ جنہیں جمعرات کے روز عدالت میں پیش کیا گیا۔

عدالت نے ملزم کو 16 جولائی تک پولیس تحویل میں رکھنے کا حکم دیا ہے۔ پولیس کا کہنا تھا کہ نادر نے ماریہ سے بھاگ کر شادی کی تھی ، جس کی وجہ سے ماریہ کے اہل خانہ ناراض تھے یہی وجہ تھی کی اغوا کرکے گاؤں میں دوسری شادی کا منصوبہ بنایا تھا۔