یوپی کی لڑکی کے ساتھ درندگی، والد۔چاچا پر ریپ کا الزام، دادا نے بھی کی چھیڑخانی، آپ بیتی جان کر اڑ گئے سب کے ہوش

پونے: مہاراشٹر کے شہر پونے میں ریپ کا ایک سنسنی خیز معاملہ سامنے آیا ہے، جہاں ایک لڑکی نے اپنے ہی گھر والوں پر ریپ کا الزام لگایا ہے۔ اتر پردیش کی ایک 17 سالہ لڑکی نے اپنے والد اور چچا پر بار بار ریپ کرنے اور دادا پر چھیڑ چھاڑ کا الزام لگایا ہے۔ پونے پولیس کے ایک افسر نے یہ اطلاع دی۔

پولیس افسر کے مطابق متاثرہ نوجوان نے حال ہی میں پونے میں اپنے کالج میں جنسی استحصال پر بنائی گئی 'وشاکھا کمیٹی' کے اراکین کو اپنی تکلیفیں بتائیں، جس کے بعد یہ سارا معاملہ سامنے آیا۔ افسر نے بتایا کہ عصمت دری کے اس چونکا دینے والے معاملے میں متاثرہ کے والد کو شہر سے ہی گرفتار کرلیا گیا ہے۔

اس سلسلے میں بدھ کو پونے شہر کے ایک پولیس اسٹیشن میں تعزیرات ہند اور POCSO ایکٹ کی متعلقہ دفعات کے تحت مقدمہ درج کیا گیا ہے۔

متاثرہ لڑکی نے اپنی شکایت میں کہا ہے کہ 2016 اور 2018 کے درمیان جب وہ اتر پردیش میں تھی تو اس کے چچا نے اس کے ساتھ کئی بار عصمت دری کی اور دادا نے اس کے ساتھ چھیڑ چھاڑ کی۔

لڑکی نے پولیس کو بتایا، '2018 میں پونے آنے کے بعد لڑکی نے اپنے ساتھ ہونے والے واقعات کے بارے میں اپنے والد کو لکھا، لیکن مجرموں کے خلاف کچھ کرنے کے بجائے، والد نے ماں کی غیر موجودگی میں اس کا بار بار جنسی استحصال کیا۔ پولیس افسر نے کہا کہ ہم نے لڑکی کے والد، چچا اور دادا کے خلاف مقدمہ درج کر لیا ہے اور مزید تفتیش کر رہے ہیں۔