ہلدی لگ گئی ہے اور مہمان سب آگئے ہیں ، چھوڑ دیجئے ، بدنامی ہوگی سر... پھر بھی روک دی شادی، جانئے کیا ہے پورا معاملہ

دمکا : ہلدی لگ گئی ہے اور مہمان سب آگئے ہیں ، چھوڑ دیجئے ، بدنامی ہوگی ، یہ التجا نابالغ لڑکی کے گھر والے کرتے رہے ، لیکن بی ڈی او نے کسی ایک کی نہ سنی اور نابالغ کی شادی فوری کارروائی کرتے ہوئے روک دی ۔ یہ معاملہ جھارکھنڈ کے دمکا میں پیش آیا ہے ۔ (علامتی تصویر)

یہ کارروائی صدر سیکشن بی ڈی او راجیش سنہا کی قیادت میں چائلڈ لائن دمکا کی پہل پر نگر تھانہ پولیس کے تعاون سے کی گئی ۔ مقررہ وقت سے پہلے نابالغ کی ہورہی شادی کی اطلاع ملنے پر بی ڈی او ٹیم کے ساتھ پہنچ گئے اور انہوں نے شادی روک دی ۔(علامتی تصویر)

بی ڈی او نے دلہن کے آدھار کارڈ سمیت دیگر سرٹیکفیٹ کی جانچ کرنے کے دوران اس کو نابالغ پایا ۔ بی ڈی او نے پایا کہ دلہن بننے والی لڑکی عمر 17 سال ہی ہے ۔ (علامتی تصویر)

نابالغ لڑکی کے اہل خانہ کی التجا کو بی ڈی او نے قانونی بندوبست بتاتے ہوئے کہا کہ اگر سرٹیفکیٹ میں غلطیاں ہوئی ہیں تو ضروری ترمیم کا حق سول سرجن کے پاس ہے ۔ (علامتی تصویر)

اس سلسلہ میں بی ڈی او نے بتایا کہ ٹیم کے ذریعہ جانچ کرکے حقیقی عمر کا پتہ لگایا گیا ۔ اس درمیان نابالغ دلہن کے اہل خانہ نے بی ڈی او سے کئی مرتبہ التجا کی ، لیکن اہل خانہ کو سمجھا بجھا کر شادی پر روک لگا دی گئی ۔ (علامتی تصویر)

اہل خانہ کو چائلڈ میریج ایکٹ سے واقف کراتے ہوئے شادی نہیں کرنے کیلئے راضی کیا گیا اور مقررہ عمر کی حد میں شادی کو لے کر اہل خانہ سے تحریر لی گئی ۔ (علامتی تصویر)