نئی دلہن نے کار کی بونٹ کے اوپر کر ڈالا ایسا کام، وائرل ویڈیو دیکھ کر حرکت میں آئی پولیس

اکثر لوگ اپنی شادیوں کو کچھ خاص بنانے کے لئے مختلف تر کیبیں آزماتے ہیں۔ مہاراشٹر کے پمپری چنچواڑمیں واقع بھوساری کی رہنے والی شوبھانگی شانتارم جرنڈے نے ایسی ہی ایک نئی ترکیب آزمائی لیکن شبھانگی کو ویڈیو شوٹ کرنا مہنگا پڑگیا۔

دراصل شوبھانگی کی شادی ہونے ہی والی تھی اس نے میرج ہال تک پہنچنے کے لئے ایک انوکھا طریقہ اختیار کیا۔

شوبھانگی دلہن بن کر اسکارپیو کے بونٹ پر بیٹھ گئی جب کار پونے کے دیہو گھاٹ پہنچی تب ہی اس نے بونٹ پر بیٹھ کر شادی سے پہلے ویڈیو شوٹ کیا۔

اس دوران شبھانگی کے رشتہ دار بھی موجود تھے۔ ڈرائیور گنیش شیام راؤ لوانڈے گاڑی میں بیٹھے تھے جب یہ سب چل رہا تھا۔

راستے سے گزر رہے ایک شخص نے سارا منظر اپنے موبائل میں ریکارڈ کرلیا اور اس ویڈیو کو سوشل میڈیا پر وائرل کردیا تب پولیس حرکت میں آگئی اور اس دلہن کی تلاش شروع کردی۔ جب یہ وائرل ویڈیو پونے کی لونی کلبھور پولیس کے ہاتھ میں لگی تو پولیس نے گاڑی کی نمبر پلیٹ سے مالک کو تلاش کرلیا اور جائے وقوع پرپہنچ گئی جہاں شادی کی تقریب ہورہی تھی۔

پچھلے کچھ عرصے سےدلہن ہو یا دلہا ، ان میں کچھ الگ الگ طریقے سے شادی کرنے کا جنون تھا اور یہ جنون لگاتار بڑھتا ہی جارہا تھا۔ کبھی دلہن بلٹ گاڑی پر بیٹھ کرشادی کے منڈپ میں آتی توکبھی ٹریکٹر چلا تے ہوئے تو کبھی ناچتے ہوئے اور اس طرح دلہن کار کی بونٹ پر بیٹھ کر منڈپ میں پہنچ گئی۔

شادی میں سبھی لوگ مگن تھے ، پولیس نے کسی کو بھی پریشان نہیں کیا لیکن شادی کے بعد پولیس نے 4 افراد کے خلاف مقدمہ درج کرلیا اور ویڈیو گرافی میں استعمال ہونے والے کیمرہ کو بھی ضبط کرلیا۔

گاڑی کے ڈرائیور گنیش ویڈیو گرافر تکا رام سوداگر شندے اور دیگر سمیت شوبھانگی کے خلاف آئی پی سی کی دفعہ 269 ، 188 ، 269 ، 107 ، 336 ، 34 ، ڈیزاسٹر مینجمنٹ ایکٹ اور مہاراشٹر کووڈ ضابطے کے تحت کیس درج کیا گیا ہے.