کیا وہاٹس ایپ کے ان فیچرس کا استعمال کرتے ہیں آپ؟ یہ ہیں بالکل الگ ..!۔

ہندوستان پیغام رسانی اپلی کیشن وهاٹس ایپ کے لئے دنیا کی سب سے بڑی مارکیٹ ہے ، کیونکہ دنیا بھر میں اس کے ایک ارب یوزرس ہیں اور ان میں سے 16 کروڑ صرف ہندوستان میں ہیں۔ ہندوستان میں عام طور پر ہر کسی کے موبائل فون میں وہاٹس ایپ مل جائے گا، لیکن کیا ہر کوئی اپنے اس ایپ کے فیچرس کا 100 فیصد استعمال کر پا رہا ہے؟ شاید نہیں۔ آئیے ہم آپ کو بتاتے ہیں وهاٹس ایپ کے ان فیچرس کو کیسے استعمال کر سکتے ہیں آپ؟ (تصویر : گیٹی امیج ) ۔

ہندوستان میں عموما ہر کسی کے موبائل فون میں وهاٹس ایپ مل جائے گا ، لیکن کیا ہر کوئی اس کے فیچرس کا100 فیصد استعمال کر پا رہا ہے؟

اس کا جواب نہیں میں ہوگا ، کیونکہ 16 کروڑ میں سے ایک یا دو فیصد لوگ ہی اس کے تمام فیچرس کا مکمل استعمال کر رہے ہوں گے۔

حالیہ دنوں میں دیکھا گیا ہے کہ وهاٹس ایپ کا استعمال کمیونٹی اور سماجی فلاح و بہبود میں بھی ہو رہا ہے۔ یہ اس ایپ کی افادیت کو بامعنی بناتا ہے ، لیکن اس کے تمام فیچرس کو جانے بغیر اس کی افادیت کا بھرپور استعمال نہیں ہو سکتا۔

چنئی میں سیلاب کے دوران ایک دوسرے کو پیغام پہنچانا ہو یا پھر خواتین کے تحفظ کے لئے وهاٹس ایپ گروپ بنا کر با اختیار بنانے کی پہل کرنا، وهاٹس ایپ نے ہر سمت میں لوگوں کی مدد کی ہے۔ ہندوستان میں یہ صرف ایک میسیجنگ اپلی کیشن نہیں ، بلکہ زندگی کا لازمی حصہ بن چکا ہے۔

یہی وجہ ہے کہ بولنے اور سننے سے معذور افراد بھی وهاٹس ایپ کے ذریعہ ان دنوں پولیس میں شکایت کر پا رہے ہیں۔

اب اگر لوگ وهاٹس ایپ کے تمام فیچرس کو بخوبی جان لیں اور ان کا استعمال کرنے لگیں ، تو پھر یہ ایپ ملک میں ایک طرح کا انقلاب لا دے گا، اس میں کوئی شک نہیں۔

آپ اب اس کے نئے فیچر ویڈیو کالنگ کو ہی لے لیجئے، حال ہی میں اس کی شروعات ہوئی ہے اور لوگ بہت تھوڑا ڈیٹا خرچ کر کے اپنے عزیز وں سے روبرو ہوکر بات چیت کر سکتے ہیں۔

ویڈیو کالنگ میں بھی کئی فیچرس ہیں۔ ویڈیو کالنگ کے دوران اپنے ویڈیو اسکرین پر ادھر ادھر لے سکتے ہیں، ویڈیو کالنگ کے دوران آپ ملٹی ٹاسكنگ کر سکتے ہیں اور اپنے میسیج کو بھی پڑھ سکتے ہیں۔ ساتھ ہی آپ لینڈ اسکیپ موڈ پر ویڈیو کالنگ کا پوری اسکرین پر لطف اٹھا سکتے ہیں۔

جو لوگ آئی او ایس کے 10 اپلی کیشن استعمال کرتے ہیں، ان کے لئے بھی وهاٹس ایپ نے نئے فیچرس پیش کئے ہیں۔ یہ لوگ سری انٹيگریشن کی مدد سے وهاٹس ایپ میسج بھیج سکتے ہیں اور کال کر سکتے ہیں۔

گروپ چیٹ کے دوران اگر آپ کسی کو ریفری کرنا چاہتے ہیں تو پھر آپ کو پوپ ایپ سے اس شخص کا نام جوڑنا ہوگا۔ جب آپ کسی میسج میں اس طرح کے کسی شخص کا نام لکھیں گے ، تو اس کے پاس خود بخود ایک نوٹیفکیشن چلا جائے گا۔

وهاٹس ایپ اپنے یوزرس کے لئے نت نئے فیچرس لارہا ہے۔ یہ تمام فیچرس لوگوں کی زندگی آسان بنانے اور انہیں ایک دوسرے کے قریب لانے کے بہترین وسائل ہوتے ہیں ، لیکن اہم بات یہ ہے کہ فیچرس معلومات نہیں ہونےسے لوگ ان کے استعمال سے قاصر رہ جاتے ہیں۔