امریکہ ایئر بیس پر حملے کے بعد جشن منا رہے ایران میں چند منٹوں پھیلا ماتم، دیکھیں تصویریں

ایران میں یوکرین کا ایک طیارہ حادثے کا شکار ہوگیا۔ ملی اطلاعات کے مطابق یوکرین کے طیارہ بوئینگ۔737 میں کرو ممبرس سمیت کل 176لوگوں کی حادثے میں موت ہوگئی۔ ان میں 9 کرو ممبر تھے۔ یوکرین کے وزیر مطابق طیارہ کریش میں مرنے والے لوگوں میں 82 ایرانی ، 63 کناڈا کے شہری تھے۔

ویب سائٹ "فلائٹ رڈار24"کے مطابق اس طیارے نے تہران سے اڑان بھری تھی اور کی ایف جارہا تھا۔ کی ایف یوکرین کی راجدھانی ہے۔ 7900 فٹ کی اونچائی پر یہ طیارہ کریش ہوگیا۔

ایرانی نیوزایجنسی آئی ایس این اے نے طیارہ میں سوار سبھی لوگوں کے مارے جانے کی تصیق کی ہے۔ یہ حادثہ صبح 9 بجے تہران میں واقع امام خمینی ایئرپورٹ کے پاس ہوا۔ بتایا جارہا ہے کہ تکنیکی خرابی کی وجہ سے طیارہ ٹیک آف کے بعد ہی کریش ہوگیا۔ ایوی ایشن ڈپارٹمنٹ کی جانب سے ایک جانچ ٹیم جائے حادثہ پربھیجی گئی ہے۔

آئی ایس این اے کے مطابق طیارہ کو مقامی وقت کے مطابق صبح 5:15 پر اڑان بھرنی تھی۔ حالانکہ اسے 6:12 پر روانہ کیا گیا۔ ٹیک آف کے بعد ہی بوئنگ 737 میں تکنیکی خرابی آگئی اور اس نے ڈیٹا بھیجنا بند کردیا جس کے کچھ دیر بعد ہی یہ کریش ہوگیا۔

ایران نے عراق میں واقع امریکی ایئر بیس پر بدھ کی صبح کئی میزائیلیں داغی ہیں۔ ایران کا عراق میں واقع الاسد امریکی ایئر بیس پر یہ حملہ ایرانی جنرل قاسم سلیمانی کے امریکی حملے میں مارے جانے کے بدلے کے طور پر دیکھا جارہا ہے۔ ایران نے قاسم سلیمانی کی موت کے بعد اس کا بدلہ لینے کی بات کہی تھی۔ ایران کی سرکاری ایجنسی فارس نیوز ایجنسی نے عراق کے امریکی ایئر بیس پر داغے گئے راکیٹس کا ایک مبینہ ویڈیو جاری کیا ہے۔ نیوز ایجنسی نے ان ایرانی میزائیلوں کے عراق میں امریکی ایئر بیس الاسد پر داغے جانے کو امریکی حملے کے ایرانی بدلے کی شروعات بتایا ہے۔

ایران پریس ٹی وی کی رپورٹ میں دعویٰ کیا گیا کہامریکی ایئربیس پر داغے گئے میزائیل حملے میں 80 فوجیوں کی موت ہوگئی ہے۔ حالانکہ ڈونلڈ ٹرمپ نے اس کے پہلے کہا تھا کہ میزائل حملے کے بعد بھی سب کچھ ٹھیک ہے۔