دہلی کے پٹیالہ ہاوس کورٹ کے بعد اب الٰہ آباد میں وکیلوں کی غنڈہ گردی

الہ آباد میں رو ہت ویمولا اور جے این یو معاملے کو لیکر بائیں بازو اور مسلم تنظیموں کے مشترکہ احتجاجی جلسے پر وکلا نے حملہ کر دیا ۔

الہ آباد ضلع کچہری کیمپس میں جلسے کی شروعات پر امن طریقےسے ہوئی ۔

مختلف تنظیموں کے نمائندے روہت ویمو لا کی حمایت اورکنہیا اور عمر خالد کی رہائی کا مطالبہ کر رہے تھے ۔

اسی درمیان کچہری کے وکلا جلسے میں پہنچے ۔

یہ وکلا بھارت ماتا کی جئے اور وندے ماترم کا نعرہ لگا رہے تھے ۔

تیکھی جھڑپ کےدوران وکلا نے جلسے میں موجود لوگوں کی پٹائی کرنی شروع کر دی ۔ وکیلوں کے ہجوم نے وہاں موجود میڈیا کے بعض افراد کے ساتھ بھی بدسلوکی کی ۔

وکیلوں نے میڈیا کو تصویر نہیں لینے دی۔ وکیلوں کے حملے کا شکار ہونے والے بائیں بازو کے افراد نے حملے کی سخت مذمت کی ہے ۔