ٹیم انڈیا کو لگا بڑا جھٹکا، سینئر کھلاڑی ہوا زخمی، سلیکٹرس 2 ٹیم منتخب کرنے کی تیاری میں

ٹیم انڈیا (Team India) کا آئندہ دورہ کافی مصروف ہے۔ ابھی کھلاڑی تقریباً 2 ماہ سے آئی پی ایل میں کھیل رہے ہیں۔ آئندہ ماہ جنوبی افریقہ سے 5 میچوں کی ٹی20 سیریز گھر میں ہونی ہے۔ پھر ٹیم کو انگلینڈ میں جولائی میں ایک ٹسٹ میچ کھیلنا ہے۔ (AFP)

جنوبی افریقہ کے خلاف ٹی20 سیریز کے لئے سینئر کھلاڑیوں کو آرام دیا جاسکتا ہے۔ وہیں آئی پی ایل میں اچھی کارکردگی کرنے والے کچھ نوجوان ٹیم میں جگہ بناسکتے ہیں۔ اس میں تلک ورما، عمران ملک، ارش دیپ سنگھ، ریتو راج گائیکواڑ، پرسدھ کرشنا اور اویش خان ہیں۔ (Umran Malik Instagram)

کرک بز کی خبر کے مطابق، راجستھان رائلس سے کھیل رہے اجنکیا رہانے زخمی ہوگئے ہیں۔ ایسے میں وہ انگلینڈ دورے پر نہیں جاسکیں گے۔ کولکاتا نائٹ رائیڈرس کے خلاف 14 مئی وہ زخمی ہوئے تھے۔ انہیں گریڈ تھری کی ہیمسٹرنگ ہیں۔ ایسے میں انہیں ٹھیک ہونے میں کم از کم 4 ہفتے کا وقت لگے گا۔ وہ باز آباد کاری کے لئے این سی اے جائیں گے۔ (Shardul/Instagram)

سلیکٹرس جلد ہی ٹیم انڈیا کا اعلان کرنے والے ہیں۔ حالانکہ اجنکیا رہانے پہلے ہی ٹسٹ ٹیم سے اپنی جگہ گنوا چکے ہیں۔ شرے یس ایئر اور ہنوما وہاری نے اجنکیا رہانے اور چتیشور پجارا کی جگہ اپنا مقام یقینی کرلیا ہے۔ پجارا نے گزشتہ دنوں کاونٹی چمپئن شپ میں اچھی کارکردگی پیش کی ہے۔ ایسے میں ایک بار پھر انہیں ٹیم میں جگہ مل سکتی ہے۔ (Sajsadik/Twitter)

جانکاری کے مطابق، 2 ٹیم منتخب کی جائے گی۔ ایک ٹیم جنوبی افریقہ کے خلاف 9 سے 19 جون تک 5 میچوں کی ٹی20 سیریز کھیلے گی۔ گزشتہ سال بھی ایسا ہی ہوا تھا۔ سینئر ٹیم انگلینڈ میں ٹسٹ سیریز کھیل رہی تھی۔ وہیں شکھر دھون کی قیادت میں دودسری ٹیم نے سری لنکا کا دورہ کیا تھا۔ (Twitter/Punjab Kings)

وہیں سینئر کھلاڑیوں کو انگلینڈ میں یکم جولائی سے شروع ہونے والے ٹسٹ میچ کے لئے دوسری ٹیم میں جگہ دی جاسکتی ہے۔ گزشتہ سال ہوئی سیریز کا آخری میچ کورونا کے سبب نہیں کھیلا جاسکا تھا۔ ٹیم انڈیا ابھی سیریز میں 1-2 سے آگے ہے۔ یہ سیریز عالمی ٹسٹ چمپئن شپ کے لحاظ سے اہم ہے۔ (Hardik Pandya Instagram)

جونیئر ٹیم کو جنوبی افریقہ سیریز کے بعد آئر لینڈ کے خلاف 26 اور 28 جون کو ڈونیڈن میں ہونے والی 2 میچوں کی ٹی20 سیریز کے لئے بھی بھیجا جاسکتا ہے۔ وہیں بورڈ ای سی بی سے ٹسٹ میچ سے پہلے ایک وارم اپ میچ کرانےکا مطالبہ کرسکتا ہے۔ (Indian Cricket Team Instagram)