اینجیلو میتھیوز کا پاکستانی ٹیم کے ساتھ انوکھا اتفاق، 13 سال بعد حاصل کیا یہ مقام

اینجیلو میتھیوز گزشتہ دو سال میں محدود اووروں کی ٹیم میں اپنا مقام کھوچکے ہیں، لیکن ٹسٹ ٹیم میں اہم کھلاڑی ہیں۔ انہوں نے مئی میں بنگلہ دیش کے خلاف 199 اور 145 رنوں کی اننگ کھیلی۔ انہوں نے اب تک 99 ٹسٹ میچ کھیلے ہیں۔ (AFP)

سری لنکا کے سابق کپتان اینجیلو میتھیوز اب تک 176 ٹسٹ اننگوں میں 45 کی اوسط سے 6876 رن بناچکے ہیں۔ وہ ٹسٹ کرکٹ میں ڈبل سنچری لگانے میں کامیاب رہے ہیں۔ ان کا سب سے بہترین اسکور 200 ناٹ آوٹ ہے۔ (BCBtigers Twitter)

اینجیلو میتھیوز نے اپنے 100ویں ٹسٹ سے پہلے انگلینڈ کے عظیم تیز گیند باز جیمس اینڈرسن کو اپنا آئیڈیل بتایا ہے۔ انہوں نے کہا، ’جیمس اینڈرسن میرے آئیڈیل ہیں، جو 40 سال کی عمر میں بھی اتنا اچھا کھیل رہے ہیں۔ میرے اندر بھی ابھی کچھ سال کا کرکٹ باقی ہے۔ عمر صرف ایک اعدادوشمار ہے اور میں اپنی فٹنس پر محنت کروں گا‘۔ (AFP)

اینجیلو میتھیوز نے 13 سال پہلے سری لنکا کے لئے ٹی20 کرکٹ میں سب سے پہلے ڈیبیو کیا تھا۔ تب 22 سال کی عمر میں انہوں نے انگلینڈ کی سرزمین پر اپنا پہلا مقابلہ کھیلا۔ سری لنکائی ٹیم میں میتھیوز کی انٹری بطور آل راونڈر ہوئی تھی۔ (AP)

اینجیلو میتھیوز انگلینڈ دورے کے بعد ٹسٹ ٹیم میں بھی جگہ بنانے میں کامیاب رہے۔ انہوں نے 13 سال پہلے گالے کے میدان پر جولائی کے مہینے میں ہی پاکستان کے خلاف ٹسٹ ڈیبیو کیا تھا۔ مہیلا جے وردھنے اور کمار سنگاکارا جیسے عظیم کھلاڑیوں کے ریٹائرمنٹ کے بعد وہ سری لنکائی ٹسٹ ٹیم کے سب سے بھروسے مندر کھلاڑی بن کر ابھرے۔

اینجیلو میتھیوز کے پاکستان کے خلاف اترتے ہی سری لنکا کی طرف سے 100 ٹسٹ کھیلنے والے چھٹے کرکٹر بن جائیں گے۔ ان سے زیادہ ٹسٹ میچ مہیلا جے وردھنے (149)، کمار سنگاکارا (134)، متھیا مرلی دھرن (132)، چمنڈا واس (111) اور سنت جے سوریہ نے ہی کھیلے ہیں۔

اینجیلو میتھیوز کے پاس پاکستان کےخلاف دوسرے ٹسٹ میچ میں 7000 رن پار کرنے کا موقع ہے۔ 124رن بناتے ہی وہ سات ہزاری کلب میں شامل ہوجائیں گے۔ اس کے علاوہ وہ 42 رن بناتے ہی فرسٹ کلاس کرکٹ میں 10 ہزار رن پورے کر لیں گے۔ فرسٹ کلاس کرکٹ میں ان کے نام 142 میچوں میں 9958 رن درج ہے۔