کپتان بابر اعظم نے بتایا، ’پاکستان کی ٹسٹ ٹیم میں ابھی کیا ہے کمی؟، تبدیلی کرنے کی کوششوں میں مصروف
PAK vs SL: پاکستان اور سری لنکا کے درمیان 16 جولائی سے 2 میچوں کی ٹسٹ سیریز کھیلی جانی ہے۔ پاکستان کے کپتان بابر اعظم نے ٹیم کے عالمی ٹسٹ چمپئن شپ کے تحت کھیلی جانے والی اس سیریز سے پہلے کہا کہ وہ ٹسٹ کرکٹ کھیلنے کے طریقے کو بدلنے کی کوشش کر رہے ہیں۔ جب دوسری ٹیم آپ پر حاوی ہوتی ہے تو یہ بلے بازوں کے لئے آسان نہیں ہوتا ہے۔
بابر اعظم نے پیر کے روز سری لنکا دورے پر جانے سے پہلے مانا کہ ان کی ٹیم کو ٹسٹ کرکٹ میں جارحانہ رخ اپنانے اور حالات کے موافق کھیلنے کے درمیان ایڈجسٹمنٹ بنانے کی ضرورت ہے۔ بابر اعظم نے ٹیم کے عالمی ٹسٹ چمپئن شپ کے تحت کھیلی جانے والی سری لنکا کے خلاف آئندہ سیریز سے پہلے کہا، ’ہم ٹسٹ کرکٹ کھیلنے کے طریقے کو بدلنے کی کوشش کر رہے ہیں۔ جب دوسری ٹیم آپ پر حاوی ہوتی ہے تو یہ بلے بازوں کے لئے آسان نہیں ہوتا ہے‘۔ (AFP)
پاکستان کے کپتان اس بات سے اچھی طرح واقف ہیں کہ انہیں سری لنکا سے اسپنروں کے موافق پچوں پر چیلنج ملے گا۔ انہوں نے کہا، ’ہم آسٹریلیا کے خلاف ان کی موجودہ ٹسٹ سیریز پر نظر رکھ رہے ہیں۔ آپ دیکھ سکتے ہیں کہ وہاں اسپنروں کا دبدبہ ہے، لیکن ہم نے ان کی صورتحال کے مطابق تیاری کی ہے اور ہمارے پاس حالات کا فائدہ اٹھانے کے لئے یاسر شاہ، نعمان علی، نواز کے طور پر اچھے اسپنر ہیں‘۔ (AFP)
بابر اعظم کو بھروسہ ہے کہ شاہین شاہ آفریدی کی قیادت میں تیز گیند باز بھی سیریز میں اپنا اثر چھوڑیں گے۔ انہوں نے کہا، ’مجھے اپنے تیز گیند بازوں پر بھی بھروسہ ہے، وہ بھی حاوی رہیں گے۔ ہمارے بلے باز کو وہاں کھیلنے کا تجربہ ہے اور وہ حالات میں آسانی سے ڈھل جائیں گے۔ سری لنکا ایک نوجوان ٹیم ہے، وہ اپنے حالات کو اچھی طرح سے جانتے ہیں اور انہیں ہلکے میں نہیں لیا جاسکتا ہے‘۔ پاکستان اور سری لنکا کے درمیان 16 جولائی سے 2 میچوں کی ٹسٹ سیریز کھیلی جانی ہے۔ (AFP)
