اسپورٹس
شوہر وراٹ کوہلی کے ہوٹل کا پرائیویٹ ویڈیو دیکھ کر بھڑکیں بیوی انوشکا شرما، بولیں، یہ سب سے برا تھا
اس ویڈیو کو شیئر کرتے ہوئے وراٹ کوہلی نے اپنی ناراضگی کا اظہار کیا ہے۔ دوسری جانب اب ان کی بیوی اور اداکارہ انوشکا شرما نے بھی کچھ ایسا ہی کیا ہے۔ وراٹ کی اجازت کے بغیر ان کی ویڈیو بنائے جانے اور شیئر کیے جانے پر غصے کا اظہار کیا۔ اداکارہ نے اس ویڈیو پر سخت ردعمل دیا ہے۔
انوشکا نے اپنی انسٹاگرام اسٹوری پر ایک لمبا نوٹ شیئر کیا اور لکھا- 'کئی بار ایسے واقعات کا سامنا کرنا پڑا جہاں مداحوں نے ماضی میں ہمدردی یا مہربانی کا مظاہرہ نہیں کیا۔ لیکن یہ اب تک کی سب سے بری بات ہے۔ ایک انسان اور کوئی بھی جو اسے دیکھتا ہے اور سوچتا ہے کہ 'سلیبریٹی ہو! تو ان سب کے لیے تیار رہنا پڑے گا۔'' تو آپ کو معلوم ہونا چاہیے کہ آپ بھی اس مسئلے کا حصہ ہیں''۔
کبھی کبھی اسٹارڈم کی قیمت بھی چکانی پڑتی ہے۔ وراٹ کوہلی کی جانب سے اپنے انسٹاگرام اکاؤنٹ سے شیئر کی گئی ایک ویڈیو اس بات کو سچ ثابت کرتی ہے۔ دراصل کوہلی کی جانب سے شیئر کی گئی ویڈیو کسی نامعلوم مداح نے بنائی تھی۔ وہ بھی کوہلی کے ہوٹل کے کمرے میں داخل ہو کر۔ ٹیم انڈیا کے سابق کپتان نے ویڈیو شیئر کرکے اس پر ناراضگی کا اظہار کیا ہے۔ یہ واقعہ اس وقت پیش آیا جب کوہلی اپنے ہوٹل کے کمرے میں نہیں تھے۔ دراصل ٹیم انڈیا جنوبی افریقہ کے خلاف میچ کے لیے کراؤن ٹاور ہوٹل میں ٹھہری ہوئی تھی۔ یہ ویڈیو اسی ہوٹل کی ہے۔
