دھونی کے اس دھرندر کا اداکارہ سیالی سنجیو کے ساتھ جڑا نام ، اب بلے باز نے رشتے پر توڑی خاموشی

گزشتہ کچھ وقت سے چنئی سپرکنگس کے اسٹار بلے باز ریتوراج گائیکواڑ کا نام مراٹھی اداکارہ سیالی سنجیو کے ساتھ جوڑا جارہا ہے ۔ دراصل یہ افواہ سیالی کی پوسٹ پر گائیکواڑ کے کمنٹ کے بعد شروع ہوئی تھی ، مگر اب انہوں نے اس اداکارہ کے ساتھ اپنے رشتے کی خبر پر رد عمل ظاہر کیا ہے ۔ ( تصویر : سیالی سنجیو انسٹاگرام )

دراصل کچھ دنوں پہلے سیالی نے انسٹاگرام پر اپنی ایک تصویر شیئر کی تھی ، جس پر گائیکواڑ نے دل کی ایموجی کے ساتھ واہ لکھا ۔ سیالی نے بھی دل کی ایموجی کے ساتھ کمنٹ کا جواب دیا ۔

پھر کیا تھا ، دونوں کی اس بات چیت نے ان کے فینس کو سوچنے پر مجبور کردیا اور سوشل میڈیا پر ان کے ریلیشن شپ کی خبریں گردش کرنے لگیں ۔

مگر اب گائیکواڑ نے اپنی انسٹاگرام اسٹوری کے ذریعہ اس رشتے کی سچائی بتا دی ہے ۔ گائیکواڑ نے لکھا کہ میرا وکٹ صرف گیند باز ہی لے سکتے ہیں ، وہ بھی کلین بولڈ ، کوئی اور نہیں ۔ جو سمجھنا چاہتے ہیں ، سمجھ جائیں ۔

گائیکواڑ نے اپنے انداز میں سیالی کے ساتھ رشتے کی خبروں کو غلط بتایا ہے ۔ (CSK/Twitter)