پاکستان کے وہ سات کھلاڑی، جنہوں نے آئی پی ایل اور پی ایس ایل میں ڈھایا قہر، تین کو اپنے ہی ملک میں نہیں ملا موقع

سیاسی کشیدگی کی وجہ سے ہندوستان اور پاکستان کے تعلقات خراب ہوئے اور پاکستانی کھلاڑی صرف ایک آئی پی ایل (سال 2008) میں ہی کھیل سکے۔ سابق پاکستانی کپتان شاہد آفریدی نے آئی پی ایل میں دکن چارجرز کی نمائندگی کی۔ انہوں نے 10 میچوں میں صرف 81 رنز بنائے۔ وہ پی ایس ایل میں پشاور، کراچی، ملتان اور کوئٹہ کے لئے کھیل چکے ہیں۔ (AFP)

پاکستان کے سابق کپتان شعیب ملک آئی پی ایل میں دہلی کی جانب سے کھیلتے تھے۔ آئی پی ایل میں انہوں نے 7 میچوں میں 52 رنز بنائے۔ انہوں نے پاکستان سپر لیگ میں کراچی، ملتان اور پشاور کی نمائندگی کی۔ (ANI)

لیجنڈ کرکٹر مصباح الحق نے آئی پی ایل میں بنگلورو کی نمائندگی کی تھی۔ انہوں نے آئی پی ایل میں 8 میچ کھیلے جس میں وہ 117 رنز ہی بنا سکے۔ وہ پی ایس ایل میں پشاور زلمی کے لئے کھیل چکے ہیں۔ (Misbah Ul haq instagram)

کامران اکمل راجستھان رائلز کی ٹیم کا حصہ تھے۔ آئی پی ایل میں انہوں نے 6 میچوں میں 128 رنز بنائے تھے ۔ پاکستان سپر لیگ میں وہ پشاور زلمی کے لئے کھیلتے تھے۔ (Kamran Akmal/Instagram)

پاکستان کے لیجنڈ گیند باز عمر گل کولکاتہ نائٹ رائیڈرز کے لئے کھیلتے تھے۔ گل نے آئی پی ایل کے 6 میچوں میں 12 وکٹیں حاصل کیں۔ وہ پی ایس ایل میں ملتان اور کوئٹہ کی نمائندگی کر چکے ہیں۔ (Umar Gul/Instagram)

سہیل تنویر نے راجستھان رائلز کے لئے آئی پی ایل میں کھیلا تھا۔ انہوں نے 11 میچوں میں 22 وکٹیں حاصل کی تھیں۔ انہوں نے پی ایس ایل میں کراچی، ملتان، کوئٹہ اور لاہور کی نمائندگی کی ہے ۔ AFP

سابق سلامی بلے باز محمد حفیظ کولکاتہ نائٹ رائیڈرز کے لئے آئی پی ایل میں کھیل چکے ہیں۔ انہوں نے آئی پی ایل کے 9 میچوں میں 64 رنز بنائے تھے۔ وہ پاکستان سپر لیگ میں لاہور قلندرز کی نمائندگی کر چکے ہیں۔ AFP

پاکستانی کرکٹر یونس خان نے راجستھان رائلز، سلمان بٹ نے کے کے آر اور محمد آصف نے دہلی کیلئے آئی پی ایل کھیلے۔ تاہم یہ وہ تین کھلاڑی ہیں ، جو آئی پی ایل تو کھیلے، لیکن پاکستان سپر لیگ میں نہیں کھیل سکے۔ (Salman Butt Instagram)