دوست کی بہن سے ہوا پیار، مذہب کی دیوار گرا کر ٹیم انڈیا کے اس لیجنڈ نے کی شادی، جانئے پوری کہانی

ہندوستانی ٹیم کے سابق اسٹار آل راونڈر اجیت اگرکر نے یکم اپریل 1998 میں آسٹریلیا کے خلاف ون ڈے ڈیبیو کیا تھا ۔ اس میچ میں آسٹریلیائی لیجنڈ ایڈم گلکرسٹ کی وکٹ لے کر انہوں نے شروعات کی تھی ۔ Instagram

ہندوستان کی جانب سے اگرکر نے کل 26 ٹیسٹ، 191 ون ڈے اور 4 ٹی 20 انٹرنیشنل میچز کھیلے۔ انہوں نے ٹیسٹ میں 58، ون ڈے میں 288 اور ٹی ٹوینٹی میں 3 وکٹیں حاصل کیں۔ ان کی بہترین کارکردگی ٹیسٹ میں 41 رنز کے عوض 6 وکٹیں تھیں۔ ان کی بہترین کارکردگی ون ڈے میں 42 رنز دے کر 6 وکٹیں رہی۔ AFP

اجیت اگرکر کی محبت کی کہانی کسی فلمی کہانی سے کم نہیں ہے۔ اس لیجنڈ کھلاڑی کی ملاقات فاطمہ سے ہوئی تھی ۔ Instagram

اجیت اگرکر کی بیوی فاطمہ ان کے دوست مظہر کی بہن ہیں۔ دونوں کی ملاقات میچ کے دوران ہوئی تھی۔ مظہر جب اجیت کا میچ دیکھنے جاتے تھے تو کبھی کبھی فاطمہ بھی ان کے ساتھ اسٹیڈیم جاتی تھیں۔ یہیں سے ان دونوں کے درمیان بات چیت شروع ہوئی اور رفتہ رفتہ دونوں دوست بن گئے۔ Instagram

اجیت کی پیدائش ایک مراٹھی پنڈت گھرانے میں ہوئی تھی جبکہ فاطمہ ایک مسلمان ہیں۔ دوست کی بہن اور وہ بھی مسلمان، ایسے میں ٹیم انڈیا کے لیجنڈ کو پیار کو شادی تک لے پہنچانے کے لئے کافی محنت کرنی پڑی۔ Instagram

اجیت اور فاطمہ کو مسلم اور مراٹھی پنڈت خاندانوں کے اتحاد کیلئے کافی پاپڑ بیلنے پڑے۔ شادی کے بعد بھی انہیں کافی تنقید کا سامنا کرنا پڑا تھا ۔ دنیا کی پروا نہ کرتے ہوئے دونوں نے اپنی محبت کو شادی میں تبدیل کرنے کا فیصلہ کیا۔ Instagram

اجیت نے دنیا سے لڑنے کے بعد 9 فروری 2002 کو فاطمہ سے شادی کی۔ میڈیا میں ان کی شادی کے کافی چرچے بھی ہوئے۔ اجیت اور فاطمہ کا ایک بیٹا ہے، جس کا نام راج ہے۔ اجیت اگرکر مسلسل اپنی بیوی اور بیٹے کے ساتھ سوشل میڈیا پر تصاویر شیئر کرتے رہتے ہیں ۔ Instagram