بابر اعظم کے پاس آخری موقع، ٹیم انڈیا کے قریب آنے کو بے قرار ہے سری لنکا

بابر اعظم اب تک ٹی ٹوینٹی ایشیا کپ میں بلے سے اچھی کارکردگی دکھانے میں ناکام رہے ہیں۔ ٹی ٹوینٹی ٹورنامنٹ کا فائنل میچ کل پاکستان اور سری لنکا کے درمیان کھیلا جانا ہے۔ پاکستان 10 سال سے ایشیا کپ کا خطاب نہیں جیت سکا ہے ۔ (AP)

بابر اعظم نے پہلے میچ میں ٹیم انڈیا کے خلاف 10 رنز بنائے ۔ پھر ہانگ کانگ کے خلاف 9 رنز بنائے۔ سپر 4 کی بات کریں تو پاکستان نے 2 میچز ضرور جیتے، لیکن کپتان بابر اعظم ناکام رہے۔ انہوں نے ہندوستان کے خلاف 14، افغانستان کے خلاف 0 اور سری لنکا کے خلاف 30 رنز بنائے۔ (AP)

بابر کا موجودہ ٹورنامنٹ میں سب سے زیادہ اسکور 30 رنز ہے۔ ایسے میں وہ فائنل میں فارم حاصل کرنا چاہیں گے۔ ٹی ٹوینٹی انٹرنیشنل کے مجموعی ریکارڈ پر نظر ڈالیں تو انہوں نے 79 میچوں میں 43 کی اوسط سے 2749 رنز بنائے ہیں۔ انہوں نے ایک سنچری اور 26 نصف سنچریاں بنائی ہیں۔ (AFP)

پاکستان کی بات کریں تو محمد رضوان شاندار فارم میں چل رہے ہیں۔ انہوں نے 5 میچوں میں 57 کی اوسط سے 226 رنز بنائے ہیں۔ انہوں نے 2 نصف سنچریاں بنائی ہیں اور ناٹ آؤٹ 78 رنز کی سب سے بڑی اننگز کھیلی ہے ۔ فخر زمان نے بھی نصف سنچری بنا چکے ہیں ۔ (AP)

پاکستان کے گیند بازوں نے اب تک اچھی کارکردگی دکھائی ہے۔ بائیں ہاتھ کے اسپنر محمد نواز نے 13 کی اوسط سے 8 وکٹیں حاصل کی ہیں ۔ اکنامی 6.05 ہے اور 5 رنز کے عوض 3 وکٹیں بہترین کارکردگی ہے۔ لیگ اسپنر شاداب خان بھی 7 وکٹیں لے چکے ہیں ۔ (Muhammad Nawaz Instagram)

تیز گیند باز نسیم شاہ نے افغانستان کے خلاف آخری اوور میں لگاتار دو چھکے لگا کر پاکستان کو ایک وکٹ سے سنسنی خیز جیت دلائی۔ وہ گیند کے ساتھ بھی اچھی فارم میں ہیں اور 16 کی اوسط سے 6 وکٹیں لے چکے ہیں۔ ان کی اکنامی 7 ہے۔ تیز گیند باز حارث رؤف بھی 5 وکٹیں لے چکے ہیں ۔ (AP)

سری لنکا نے ٹورنامنٹ میں شاندار واپسی کی ہے۔ پہلے میچ میں اس کو افغانستان کے ہاتھوں شکست ملی تھی۔ اس کے بعد اس نے بنگلہ دیش کو شکست دے کر سپر 4 میں جگہ بنائی۔ سپر 4 میں اس نے افغانستان، ہندوستان اور پاکستان تینوں کو شکست دی۔ ایسے میں انہوں نے شاندار فارم حاصل کرلیا ہے۔ (AP)

یہ ایشیا کپ کا 15 واں سیزن ہے۔ ہندوستان نے سب سے زیادہ بار یہ خطاب جیتا ہے۔ سری لنکا کی ٹیم 5 مرتبہ خطاب جیت کر دوسرے نمبر پر ہے۔ اگر ٹیم کل کھیلا جانے والا فائنل جیت جاتی ہے تو ٹیم ہندوستان کے قریب پہنچ جائے گی۔ وہیں پاکستان کی ٹیم صرف 2 مرتبہ خطاب جیتنے میں کامیاب ہوئی ہے۔ (AP)