PAK vs NED: ایشیا کپ سے پہلے شاندار فارم میں چل رہے ہیں بابر اعظم ، ہاشم آملہ کا بڑا ریکارڈ توڑا

پاکستان کے کپتان بابر اعظم نے ہالینڈ کے خلاف تیسرے اور آخری ون ڈے میں شاندار 91 رنز بنائے۔ ہالینڈ کی بے مثال گیند بازی کے سامنے پہلے بلے بازی کرنے کیلئے اتری پاکستانی ٹیم صرف 206 رنز پر ڈھیر ہوگئی۔ حالانکہ رن مشین بن چکے بابر اعظم کا جلوہ قائم رہا ۔ بابر نے اپنی اننگز کے دوران کئی ریکارڈ بنائے۔ تصویر : AFP

بابر اعظم نے آخری 10 ون ڈے اننگز میں 9 مرتبہ ففٹی پلس اسکور بنائے ہیں۔ انہوں نے 10 اننگز میں 93 کی اوسط سے 837 رنز بنائے ہیں۔ انہوں نے چار سنچریاں اور پانچ نصف سنچریاں بنائی ہیں۔ ان کا اسٹرائیک ریٹ 95 کے قریب رہا ہے۔ بابر کی 10 اننگز - 158 (139)، 57 (72)، 114 (83)، 105* (115)، 103 (107)، 77 (93)، 1 (3)، 74 (85)، 57 (65)، 91(125)۔ تصویر : AFP

بابر اعظم نے ہالینڈ کے خلاف تین ون ڈے سیریز کی تینوں اننگز میں نصف سنچریاں بنائی ہیں ۔ انہوں نے پہلے ون ڈے میں 74، دوسرے ون ڈے میں 57 اور تیسرے ون ڈے میں 91 رنز بنائے۔ (AFP)

حالانکہ بابر اعظم کی اننگز کے باوجود فینس ان سے مایوس ہوں گے۔ بابر اعظم 2019 کے بعد پہلی مرتبہ دو طرفہ سیریز میں سنچری بنانے میں ناکام رہے۔ انہوں نے جنوری 2019 کے بعد لگاتار 8 ون ڈے سیریز میں ایک سنچری ضرور بنائی۔ وہ نیدرلینڈ کے خلاف تیسرے ون ڈے میں نروس نائنٹیز کا شکار ہو گئے۔ (AFP)

بابر اعظم نے ہالینڈ کے خلاف اپنی نصف سنچری اننگز کے دوران 2022 میں انٹرنیشنل کرکٹ میں 1400 رنز مکمل کئے ۔ انہوں نے 9 ون ڈے اننگز میں 679 رنز بنائے ہیں۔ انہوں نے بنگلہ دیش کے لٹن داس (1393 رنز) کو پیچھے چھوڑ دیا۔ (AFP)

بابر اعظم نے اپنی اننگز کے دوران جنوبی افریقی کھلاڑی ہاشم آملہ کا خاص ریکارڈ توڑ دیا۔ ہاشم آملہ نے 90 اننگز کے بعد ون ڈے کرکٹ میں 4556 رنز بنائے تھے۔ وہیں بابر نے 4664 رنز بنالئے ہیں۔ انہوں نے اب تک 92 ون ڈے میچوں میں 17 سنچریاں اور 22 نصف سنچریاں بنائی ہیں۔ (AFP)

بابر اعظم کے پاس اب ون ڈے کرکٹ میں تیز ترین 5000 رنز بنانے کا موقع ہے۔ ہاشم آملہ نے یہ ریکارڈ 104 ون ڈے میچوں کی 101 اننگز میں بنایا تھا۔ اگر بابر نے 10 اننگز میں 334 رنز بنائے تو وہ آملہ کو پیچھے چھوڑ دیں گے۔ بابر کی غیر معمولی فارم کو دیکھتے ہوئے یہ مشکل نہیں لگ رہا ہے۔ (AFP)