Asia Cup 2022: ہندوستان کے خلاف بڑے میچ کیلئے خاص تیاری کررہے ہیں بابر اعظم، تصویریں شیئر کرکے بتایا پلان

ایشیا کپ لیگ کا میچ ہندوستان اور پاکستان کے درمیان 28 اگست کو کھیلا جائے گا۔ دونوں ٹیمیں اس کی تیاریوں میں مصروف ہیں۔ پاکستانی کپتان بابر اعظم بھی ہندوستان کو سخت چیلنج دینے کے لئے جم کر محنت کر رہے ہیں۔ انہوں نے اپنے سوشل میڈیا پر ورزش کرتے ہوئے کچھ تصاویر شیئر کی ہیں۔ اس میں بابر کو جم میں ویٹ ٹریننگ کرتے دیکھا جا سکتا ہے۔ (Babar Azam Twitter)

بابر اعظم نے جم میں ورزش کی اپنی تصویروں کے ساتھ ایک مزیدار کیپشن بھی لکھا ہے - 'میک اٹ ہیپن'۔ ایشیا کپ سے قبل پاکستان کی ٹیم ہالینڈ کے خلاف 3 ون ڈے میچوں کی سیریز بھی کھیلے گی۔ ایشیا کپ کی تیاریوں کے حوالے سے یہ سیریز اہم ہوگی۔ (Babar Azam Twitter)

بابر اعظم سے پہلے وراٹ کوہلی نے بھی اپنی ورزش سے متعلق ایک ویڈیو سوشل میڈیا پر شیئر کیا۔ وراٹ بھی طویل وقفے کے بعد ایشیا کپ سے واپسی کریں گے۔ کوہلی کا بلا کافی عرصے سے خاموش ہے۔ ایسے میں یہ ٹورنامنٹ ان کے لئے کافی اہم ہوگا۔ (Babar Azam Twitter)

بابر اعظم نے ٹیم انڈیا کو ایشیا کپ میں ہندوستان کے خلاف میچ کو لے کر خبردار کیا ہے۔ ہالینڈ کے دورے پر روانگی سے قبل انہوں نے کہا تھا کہ ایک یا دو نہیں بلکہ پاکستان ٹیم کے سبھی 11 کھلاڑی میچ ونر ہیں اور اپنے دن پر اکیلا کھلاڑی بھی ٹیم کو جیت سے ہمکنار کرا سکتا ہے۔ (Babar Azam Twitter)

پاکستان اور ہندوستان کے درمیان ایشیا کپ میں اب تک 14 میچز ہو چکے ہیں۔ اس میں سے ہندوستان نے 8 اور پاکستان نے 5 میچ جیتے ہیں۔ تاہم دونوں ٹیموں کے درمیان فائنل کبھی نہیں ہوا۔ (Babar Azam Twitter)

اس سال ایشیا کپ میں پاکستان اور ہندوستان کی ٹیمیں مجموعی طور پر 3 مرتبہ آمنے سامنے ہو سکتی ہیں۔ لیگ مرحلے میں دونوں ٹیموں کے درمیان پہلا میچ 28 اگست کو ہوگا۔ اس کے بعد سپر فور راؤنڈ میں دونوں ٹیمیں آمنے سامنے ہو سکتی ہیں اور اگر دونوں ٹیمیں فائنل میں پہنچنے میں کامیاب ہو جاتی ہیں تو یہ تیسرا میچ ہو گا۔ (Indian cricket team instagram)

ہندوستان نے سب سے زیادہ 7 مرتبہ ایشیا کپ جیتا ہے۔ اس کے ساتھ ہی پاکستان کی ٹیم دو مرتبہ خطاب جیتنے میں کامیاب رہی ہے۔ سری لنکائی ٹیم یہ ٹائٹل 5 مرتبہ جیت چکی ہے۔ (Indian cricket team instagram)