Asia Cup 2022: ہاردک پانڈیا نے پاکستان کے خلاف کیا تھا دوہرا وار، اب حاصل کیا ٹی 20 میں سب سے بڑا مقام

نئی دہلی : ہاردک پانڈیا کو ایشیا کپ کے پہلے میچ میں پاکستان کے خلاف آل راؤنڈ کارکردگی کا صلہ ملا ہے۔ وہ آئی سی سی کی تازہ ترین آل راؤنڈر کی رینکنگ میں 5ویں نمبر پر آ گئے ہیں۔ انہوں نے 8 مقام کی چھلانگ لگائی ہے۔ یہ ان کے کیریئر کی بہترین رینکنگ ہے۔ آل راونڈر کی رینکنگ میں افغانستان کے محمد نبی پہلے مقام پر ہیں ۔ اس کے بعد شکیب الحسن ، معین علی اور آسٹریلیا کے گلین میکسویل ہیں ۔ (PIC: AP)

ہاردک نے پاکستان کے خلاف بلے بازی کے ساتھ ساتھ شاندار گیند بازی بھی کی تھی ۔ انہوں نے آخری اوور میں چھکا لگا کر ہندوستان کو جیت دلائی تھی ۔ ہاردک نے صرف 17 گیندوں میں ناٹ آؤٹ 33 رنز بنائے تھے۔ (Photo: @hardikpandya93/Instagram)

بلے بازی سے پہلے انہوں نے 25 رنز دے کر 3 وکٹیں بھی حاصل کی تھیں۔ ہاردک نے میچ میں محمد رضوان، افتخار احمد اور خوشدل شاہ کو آؤٹ کیا تھا۔ (Photo: @hardikpandya93/Instagram)

ہاردک کی رینکنگ میں آئی یہ بہتری اس بات کا ثبوت ہے کہ جب سے انہوں نے چوٹ سے واپسی کی ہے، آل راؤنڈر کے طور پر ان کا قد کتنا بڑا ہوگیا ہے ۔ (Photo: @hardikpandya93/Instagram)

ہاردک نے چوٹ کے بعد آئی پی ایل 2022 سے کرکٹ کے میدان میں واپسی کی تھی ۔ وہ پہلی متبہ لیگ کی کپتانی کر رہے تھے اور انہوں نے ڈیبیو سیزن میں ہی گجرات ٹائٹنز جیسی نئی ٹیم کو چیمپئن بنایا تھا۔ (Photo: @hardikpandya93/Instagram)

آئی پی ایل میں بھی انہوں نے گیند اور بلے سے شاندار کارکردگی کا مظاہرہ کیا۔ انہوں نے 15 میچوں میں 4 نصف سنچریوں کی مدد سے 487 رنز بنائے۔ اس کے علاوہ 8 وکٹیں بھی حاصل کی تھیں۔ (Photo: @hardikpandya93/Instagram)

پانڈیا نے انگلینڈ کے دورے پر بھی شاندار کارکردگی کا مظاہرہ کیا تھا۔ انہوں نے انگلینڈ کے خلاف 2 ٹی ٹوینٹی میچ کھیلے تھے ۔ (Photo: @hardikpandya93/Instagram)

انہوں نے ساؤتھمپٹن میں کھیلے گئے پہلے ٹی ٹوینٹی میں 51 رنز بنانے کے ساتھ ساتھ 33 رنز کے عوض 4 وکٹیں بھی حاصل کی تھیں۔ انہوں نے پچھلے 7 ٹی 20 میچوں میں 2 نصف سنچریوں کے ساتھ 10 وکٹیں حاصل کی ہیں ۔ (Photo: @hardikpandya93/Instagram)