ٹیم انڈیا کے تیز گیند باز محمد سمیع کی اہلیہ حسین جہاں کو ملی آبروریزی کی دھمکی ، وزیر اعظم مودی اور امت شاہ سے کی مدد کی فریاد

ٹیم انڈیا کے تیز گیند باز محمد سمیع کی اہلیہ حسین جہاں آئے دن سوشل میڈیا پر ٹرولرس کا نشانہ بن جاتی ہیں ۔ ایسا ہی کچھ ایک مرتبہ پھر ہوا جب حسین جہاں نے رام مندر بھومی پوجا کے موقع پر ہندووں کو مبارکباد دی ۔ اس کے بعد انہیں کافی ٹرول کیا گیا ۔ تصویر : انسٹاگرام ۔

کئی لوگوں نے ان کی پوسٹ پر تبصرہ کرتے ہوئے آبروریزی کی دھمکی تک دے ڈالی ۔ حسین جہاں نے اب اپنے تحفظ کیلئے وزیر اعظم مودی ، وزیر داخلہ امت شاہ اور بنگال کی وزیر اعلی ممتا بنرجی سے مدد مانگی ہے ۔ تصویر : انسٹاگرام ۔

خیال رہے کہ پانچ اگست کو حسین جہاں نے اپنے انسٹاگرام پر ایک پوسٹر شیئر کیا تھا ، جس میں ایک جانب شری رام اور دوسری جانب مندر کی تصویر کے ساتھ ہی اس پر لکھا تھا : ایودھیا میں شری رام مندر کی بھومی پوجا کیلئے سبھی ہندو سماج کو دلی مبارکباد ۔ ڈھیر ساری نیک خواہشات ۔ حسین جہاں ۔ اس کے بعد انہیں آبروریزی کی دھمکی جارہی ہے ۔ تصویر : انسٹاگرام ۔

حسین جہاں نے ایک ٹی وی چینل کا ویڈیو شیئر کرتے ہوئے لکھا : پانچ اگست کو جب ایودھیا میں شری رام مندر کیلئے بھومی پوجا ہوئی تو میں نے ملک کے سبھی ہندو سماج کو مبارکباد دی کیونکہ ہندو سماج بھی ہم مسلم سماج کے تہواروں پر ہمیں مبارکباد دیتے ہیں ، لیکن کچھ شدت پسندوں کو یہ ناگوار گزرا اور انہوں نے مجھے سوشل میڈیا پر گالیاں دیں ، جان سے مارنے اور آبروریزی تک کی دھمکی دی ۔ تصویر : انسٹاگرام ۔

انہوں نے لکھا : ملک کے وزیر اعظم نریندر مودی جی ، وزیر داخلہ امت شاہ جی ، وزیر علی ممتا بنرجی جی ور وزیر اعلی یوگی آدتیہ جی سے اپیل ہے کہ انتظامیہ کو اس معاملہ پر نوٹس لینے کا حکم دیں ۔ تصویر : انسٹاگرام ۔

خیال رہے کہ حسین جہاں نے 2018 میں اپنے شوہر تیز گیند باز محمد سمیع پر الزام لگایا تھا کہ ان کے کئی خواتین کے ساتھ ناجائز تعلقات تھے ۔ ساتھ ہی انہوں نے محمد سمیع پر فکسنگ تک کا سنگین الزام عائد کیا تھا ۔ تصویر : انسٹاگرام ۔

حسین جہاں کے الزامات کے بعد بی سی سی آئی نے بھی جانچ کی تھی اور سمیع کو کچھ وقت کیلئے سینٹرل کنٹریکٹ سے باہر رکھا گیا تھا ۔ حالانکہ بعد میں انہیں کلین چٹ دیدی گئی ۔ تصویر : انسٹاگرام ۔

علاوہ ازیں حسین جہاں نے محمد سمیع کے بھائی پر بھی آبروریزی کا سنگین الزام عائد کیا تھا ۔ تصویر : انسٹاگرام ۔

حسین جہاں ۔ تصویر : انسٹاگرام ۔