لگاتار تین چھکے لگاکر شبھمن گل نے بنائی ڈبل سنچری، رقم کی تاریخ، تیندولکر، سہواگ اور روہت کا ریکارڈ چکناچور

نئی دہلی : نیوزی لینڈ کے خلاف تین ون ڈے میچوں کی سیریز کے پہلے میچ میں ہندوستانی سلامی بلے باز شبھمن گل کی زبردست بلے بازی دیکھنے کو ملی۔ ایک اینڈ پر ڈٹ کر کھیلتے ہوئے اس نوجوان بلے باز نے ڈبل سنچری بنائی ۔ شبھمن نے لگاتار تین چھکے لگا کر اپنی ڈبل سنچری پوری ۔ اس اننگز کی وجہ سے ہندوستانی ٹیم نے 8 وکٹوں پر 349 رنز کا بڑا اسکور کھڑا کیا ۔ ساتھ ہی شبھمن گل نے اپنی اس اننگز سے کئی ریکارڈز بھی توڑ دئے۔ تصویر: AP

حیدرآباد میں نیوزی لینڈ کے خلاف پہلے ون ڈے میں ہندوستانی کپتان روہت شرما نے ٹاس جیت کر پہلے بلے بازی کا فیصلہ کیا۔ شبھمن گل نے کپتان کے ساتھ مل کر ٹیم کو شاندار آغاز فراہم کیا۔ روہت 34 رنز بنانے کے بعد آؤٹ ہوئے، جس کے بعد گزشتہ میچ کے بنانے والے وراٹ کوہلی بھی مچیل سینٹنر کی گیند پر بولڈ ہو گئے۔ ایشان کشن صرف 5 رنز بنانے کے بعد اپنی وکٹ گنوا بیٹھے۔ (Photo: @shubmangill/instagram)

وکٹیں گرنے کے درمیان شبھمن گل کے بلے سے رنز کی بارش ہوتی رہی۔ انہوں نے پہلی 52 گیندوں پر 9 چوکے اور ایک چھکا لگا کر پچاس رنز مکمل کئے۔ (Photo: @shubmangill/instagram)

اس کے بعد انہوں نے 87 گیندوں کا سامنا کرنے کے بعد 14 چوکے اور 2 چھکے کی مدد سے سنچری پوری کی۔ یہ ون ڈے میں گل کی مسلسل دوسری اور کیریئر کی تیسری سنچری تھی۔ (Photo: @shubmangill/instagram)

یہاں سے گل نے اننگز کا آغاز چوکوں اور چھکوں سے کیا اور پہلے 122 گیندوں میں 150 رنز مکمل کئے اور پھر آخری اوور تک پہنچ کر لگاتار 3 چھکے لگا کر 145 گیندوں میں ڈبل سنچری اسکور کی۔ 19 چوکے اور 8 چھکے لگائے۔ (Photo: @shubmangill/instagram)

شبھمن گل نے صرف 19ویں ون ڈے اننگز میں اپنی ڈبل سنچری بنائی۔ ہندوستان کے پہلے لیجنڈز سچن تیندولکر، وریندر سہواگ اور روہت شرما نے بھی سنچری بنائی تھی، لیکن اتنی جلدی کسی کے بلے سے اتنی بڑی اننگز نہیں نکلی تھی۔ (AP)