IND vs SL: ہندوستان اور روہت شرما کو اچھے کھیل کے ساتھ قسمت کی بھی ضرورت، ٹاس ہارے تو امید ختم!

ٹیم انڈیا نے روہت شرما کی قیادت میں ایشیا کپ میں شاندار شروعات کی تھی۔ ہندوستان گروپ راؤنڈ کے دونوں میچ جیت کر گروپ اے میں سرفہرست تھا اور اس کے بعد دفاعی چیمپئن ہندوستانی ٹیم کو ٹورنامنٹ کی مضبوط دعویدار سمجھا جانے لگا۔ (AP)

سپر 4 میں ٹیم اس کارکردگی کو برقرار نہیں رکھ سکی۔ پاکستان نے اس کو پہلے میچ میں 5 وکٹوں سے شکست دی ۔ اس نے ہدف کا تعاقب کرتے ہوئے یہ میچ جیت لیا۔ ہندوستان کو اب 6 ستمبر کو سری لنکا اور 8 ستمبر کو افغانستان کے خلاف کھیلنا ہے۔ (AP)

ٹورنامنٹ میں سری لنکا کی شروعات اچھی نہیں رہی تھی ۔ ٹیم پہلے میچ میں افغانستان کے خلاف صرف 105 رنز بنا سکی تھی ، لیکن اس کے بعد اس نے زبردست واپسی کی۔ اس نے بنگلہ دیش کے خلاف 184 اور افغانستان کے خلاف 176 رنز کے ہدف کا تعاقب کرتے ہوئے کامیابی حاصل کی۔ (AP)

ہندوستان اور سری لنکا کے درمیان میچ دبئی میں ہونا ہے۔ یہاں تمام ٹیمیں ہدف کا تعاقب کرنا چاہتی ہیں۔ ایسے میں کپتان روہت شرما کو بھی ٹاس جیتنے کے لیے قسمت کی ضرورت ہوگی۔ اسی گراؤنڈ پر گروپ راؤنڈ میں بھی ہندوستان نے ہدف کا تعاقب کرتے ہوئے پاکستان کو 5 وکٹوں سے شکست دی تھی ۔ (AP)

سری لنکا کی بات کریں تو کسل مینڈس گزشتہ دو میچوں سے شاندار فارم میں ہیں۔ انہوں نے بنگلہ دیش کے خلاف 60 اور افغانستان کے خلاف 36 رنز بنائے۔ جبکہ پتھم نسانکا نے بنگلہ دیش کے خلاف 20 اور افغانستان کے خلاف 35 رنز بنائے۔ بھانوکا راجا پکشے بھی اچھی فارم میں ہیں۔ (AP)

ٹیم انڈیا کی سب سے بڑی پریشانی لیگ اسپنر یجویندر چہل ہیں۔ وہ ٹورنامنٹ کے پہلے تین میچوں میں رنگ میں نظر نہیں آئے اور اب تک صرف ایک وکٹ حاصل کر پائے ہیں۔ رویندر جڈیجہ کے باہر ہونے سے ٹیم پہلے ہی دباؤ میں ہے۔ تاہم لیگ اسپنر روی بشنوئی نے پاکستان کے خلاف شاندار کارکردگی کا مظاہرہ کیا۔ (Yuzvendra Chahal Instagram)

ٹیم انڈیا کی بلے بازی کی بات کریں تو روہت اور کے ایل راہل نے گزشتہ میچ میں اچھی شروعات دلائی تھی ۔ تاہم مڈل اوورز میں وکٹیں گرنے کی وجہ سے ٹیم 200 رنز نہیں بنا سکی۔ وراٹ کوہلی اور سوریہ کمار یادو اپنی فارم کو برقرار رکھنا چاہیں گے۔ (BCCI Twitter)

سری لنکا کی ٹیم نے ہمیشہ ایشیا کپ میں ٹیم انڈیا کو ٹکر دی ہے۔ ون ڈے اور ٹی ٹوینٹی ایشیا کپ کی بات کریں تو دونوں کے درمیان اب تک کل 20 میچز کھیلے جا چکے ہیں۔ دونوں نے 10-10 میچ جیتے ہیں۔ ایسے میں داسن شناکا کی سری لنکن ٹیم ایک مرتبہ پھر الٹ پھیر کرنے کے ارادے سے اترے گی۔ (AFP)