IND vs WI: شیکھر دھون نے ایک اور بڑا مقام حاصل کیا، سچن اور سہواگ کے برابر پہنچے

شیکھر دھون کی قیادت میں ٹیم انڈیا نے تیسرے اور آخری ون ڈے میں اچھی شروعات کی ہے۔ میچ میں ہندوستان نے ٹاس جیت کر بیٹنگ کا فیصلہ کیا۔ خبر لکھے جانے تک ہندوستان نے 24 اوورز میں ایک وکٹ پر 115 رنز بنا لیے ہیں۔ (Shikhar Dhawan Instagram)

شیکھر دھون 74 گیندوں پر 58 رنز بنانے کے بعد آؤٹ ہوئے۔ موجودہ سیریز میں دھون کی یہ دوسری نصف سنچری ہے۔ انہوں نے سیریز کے پہلے میچ میں 97 رنز کی بڑی اننگز کھیلی تھی۔ ہندوستانی ٹیم سیریز کے پہلے دو میچ جیت کر پہلے ہی 2-0 کی ناقابل تسخیر برتری حاصل کر چکی ہے۔ (Shikhar Dhawan Instagram)

دھون نے اپنی اس اننگز میں 7 چوکے لگائے۔ اس طرح ان کے ون ڈے میں 800 چوکے مکمل ہو چکے ہیں۔ ایسا کرنے والے وہ 9ویں ہندوستانی ہیں۔ بتادیں کہ سچن تیندولکر نے ہندوستان کے لیے سب سے زیادہ چوکے لگائے ہیں۔ انہوں نے 463 ون ڈے میں 2016 چوکے لگائے۔ کوئی دوسرا ہندوستانی 1200 چوکے تک بھی نہیں پہنچ سکا ہے ۔ (Shikhar Dhawan Instagram)

وراٹ کوہلی نے 1159، سوربھ گنگولی نے 1104 اور وریندر سہواگ نے 1092 چوکے لگائے ہیں۔ کوئی اور 1000 چوکے تک بھی نہیں پہنچا سکا ہے۔ موجودہ کوچ اور سابق کپتان راہل دراوڑ نے 942، یوراج سنگھ نے 896، روہت شرما نے 856 اور ایم ایس دھونی نے 809 چوکے لگائے ہیں۔ (Instagram)

36 سالہ شیکھر دھون ٹی ٹوینٹی اور ٹیسٹ ٹیم سے باہر ہو چکے ہیں۔ لیکن ون ڈے میں اچھی کارکردگی کی بنیاد پر وہ جگہ بنانے میں کامیاب رہے ہیں۔ اگلے سال ہندوستان میں ون ڈے ورلڈ کپ ہونے والا ہے۔ بطور کپتان وہ چھٹا ون ڈے کھیل رہے ہیں اور 3 میں نصف سنچریاں بنا چکے ہیں۔. (AP)

دھون کا ون ڈے ریکارڈ شاندار ہے۔ اس میچ سے قبل وہ 154 ون ڈے میچوں میں 45 کی اوسط سے 6435 رنز بنائے تھے ۔ انہوں نے 17 سنچریاں اور 36 نصف سنچریاں بنائی ہیں ۔ 143 رنز کی بہترین اننگز وہ کھیل چکے ہیں ۔ انہوں نے ٹیم انڈیا کے لیے 68 ٹی 20 میں 1759 اور 34 ٹیسٹ میں 2315 رنز بنائے ہیں۔ (AFP)