IND w vs SL w: متالی راج کا بڑا ریکارڈ ریٹائرمنٹ کے 16 دن بعد ہی ٹوٹ گیا، ہرمن پریت کور نے رقم کی تاریخ

سابق ہندوستانی کپتان متالی راج نے 8 جون 2022 کو بین الاقوامی کرکٹ سے ریٹائرمنٹ لے لی۔ وہ ون ڈے اور ٹی ٹوینٹی میں ہندوستان کے لئے سب سے زیادہ رنز بنانے والی کھلاڑی تھیں۔ انہوں نے کئی بڑے ریکارڈ بنائے اور 6 ورلڈ کپ میں بھی اتریں ۔ (AFP)

اس وقت ہندوستان اور سری لنکا کے درمیان ٹی ٹوینٹی سیریز کھیلی جا رہی ہے۔ ہفتہ کو ہندوستانی خواتین ٹیم نے دوسرے میچ میں سری لنکا کو 5 وکٹوں سے شکست دی۔ اس طرح انہوں نے 3 میچوں کی سیریز میں 2-0 کی ناقابل تسخیر برتری حاصل کر لی ہے۔ کپتان ہرمن پریت کور کے ناٹ آوٹ 31 رن کے دم پر ٹیم نے 126 رنز کا ہدف 19.1 اوورز میں حاصل کر لیا ۔ (AFP)

ہرمن پریت کور اننگز کے دوران ٹی 20 انٹرنیشنل میں ہندوستان کے لئے سب سے زیادہ رنز بنانے والی کھلاڑی بن گئی ہیں۔ متالی کے ریٹائرمنٹ کے صرف 16 دن بعد ہی انہوں نے ان کے ریکارڈ کو پیچھے چھوڑ دیا ہے۔ وہ اب تک 123 میچوں میں 27 کی اوسط سے 2372 رنز بنا چکی ہیں۔ ایک سنچری اور 6 نصف سنچریاں بنا چکی ہیں۔ (Instagram IPL)

33 سالہ ہرمن پریت ٹی 20 انٹرنیشنل میں ہندوستان کیلئے سنچری بنانے والی واحد خاتون کھلاڑی بھی ہیں ۔ انہوں نے 2018 میں نیوزی لینڈ کے خلاف 51 گیندوں پر 103 رنز بنائے تھے۔ انہوں نے اس دوران 7 چوکے اور 8 چھکے لگائے تھے ۔ (AFP)

متالی راج کے بارے میں بات کریں تو انہوں نے 89 ٹی ٹوینٹی انٹرنیشنل میں 38 کی اوسط سے 2364 رنز بنائے تھے۔ انہوں نے 17 نصف سنچریاں بنائی ہیں ۔ اس دوران انہوں نے ناٹ آؤٹ 97 رنز کی سب سے بڑی اننگز کھیلی تھی ۔ یعنی وہ سنچری سے صرف 3 رنز پیچھے رہ گئی تھیں ۔ (Mithali Raj instagram)

ہرمن پریت کور نے 118 ون ڈے میچوں میں 36 کی اوسط سے 2982 رنز بنائے ہیں۔ وہ 4 سنچریاں اور 15 نصف سنچریاں بنا چکی ہیں۔ انہوں نے ناٹ آؤٹ 171 رنز کی سب سے بڑی اننگز کھیلی ہے۔ اس کے علاوہ انہوں نے 3 ٹیسٹ میں 38 رنز بنائے ہیں ۔ (SLC/Twitter)