آسٹریلیائی ٹیم کے ساتھ آیا خطرناک گیند باز، وراٹ کوہلی کو بھی لگتا ہے ڈر! جب جب ہوا سامنا .... کوہلی نے کیا مایوس

نئی دہلی : پیٹ کمنز کی کپتانی میں آسٹریلیائی ٹیم اس وقت شاندار فارم میں ہے۔ حال ہی میں جنوبی افریقہ کو اپنے گھر پر ٹیسٹ سیریز میں 2-0 سے شکست دینے کے بعد کنگارو ٹیم کے حوصلے بلند ہیں۔ اب ہندوستان کو چار میچوں کی ٹیسٹ سیریز میں شکست دے کر آسٹریلیائی ٹیم پچھلی دو شکستوں کا حساب برابر کرنا چاہتی ہے۔ (AFP)

چھ سالوں کے طویل انتظار کے بعد آسٹریلیا کی ٹیم ٹیسٹ سیریز کھیلنے ہندوستان آئی ہے۔ اس دوران ٹیم انڈیا نے دو مرتبہ آسٹریلیا کا دورہ کیا۔ ایک مرتبہ وراٹ کوہلی کی قیادت والی ٹیم اور دوسری مرتبہ وراٹ اور اجنکیا رہانے نے مل کر کنگارو ٹیم کو ان کے ہی گھر پر شکست دی ۔ (AFP)

ان دونوں سیریز سے پہلے کوئی بھی ایشیائی ملک آسٹریلیا کو اس کی سرزمین پر نہیں ہرا سکا تھا۔ ایسے میں آسٹریلیا کی ٹیم پہلے سے ہی ہندوستان کے خلاف غصے میں بیٹھی ہوئی ہے۔ وہ پچھلی دونوں شکستوں کا بدلہ لینے کے ارادے سے میدان میں اترے گی۔ (AFP)

اکثر وراٹ کوہلی ٹیسٹ سیریز میں آسٹریلیا کی ٹیم پر بھاری پڑتے نظر آتے ہیں، لیکن ایک گیند باز ایسا بھی ہے جو ہمیشہ وراٹ پر حاوی رہتا ہے۔ ہندوستان کے دورے پر بھی وہ گیندباز اپنی اس شاندار کارکردگی کو جاری رکھنا چاہے گا ۔ (AFP)

جی ہاں، ہم آسٹریلیائی ٹیم کے موجودہ کپتان پیٹ کمنز کی بات کر رہے ہیں۔ وراٹ کوہلی کے خلاف تیز گیند باز کمنز کا ریکارڈ کافی شاندار ہے۔ وراٹ کمنز کے سامنے نہ تو رنز بنا پاتے ہیں اور نہ ہی زیادہ دیر تک بلے بازی کر پاتے ہیں۔ یہ ہم نہیں کہہ رہے ہیں ، بلکہ ریکارڈ اس کی گواہی دیتے ہیں ۔ (AFP)

ہندوستان اور آسٹریلیا کے درمیان 2017 سے 2021 تک کے درمیان ٹیسٹ سیریز کے دوران وراٹ کوہلی اور پیٹ کمنز کل 10 مرتبہ آمنے سامنے آئے ہیں۔ کمنز نے اپنی سوئنگ گیند بازی کی بدولت وراٹ کو پانچ مرتبہ پویلین کی راہ دکھائی ہے۔ (Twitter/ Cricket Australia)

سال 2018-19 کے آسٹریلیا کے دورے کے دوران دونوں ممالک کے درمیان چار ٹیسٹ میچ کھیلے گئے تھے۔ کمنز نے کل آٹھ اننگز میں وراٹ کوہلی کو تین مرتبہ آوٹ کیا تھا ۔ اپنے کیریئر کے دوران وراٹ نے ٹیسٹ فارمیٹ میں کمنز کی 247 گیندوں کا سامنا کیا ۔ اس دوران وہ 16 سے زیادہ کی اوسط سے صرف 82 رنز ہی بنا پائے ۔ (AFP)