ناگپور میں پچ کو لے کر تنازع، راہل دراوڑ ہوئے غصہ، اب دوسری وکٹ کی جارہی تیار، کبھی گنگولی آچکے ہیں نشانے پر

گھر پر ٹیم انڈیا کی کارکردگی شاندار رہی ہے۔ اس وجہ سے کسی بھی ٹیم کے لئے ٹیسٹ میں ہندوستان کو ہرانا آسان نہیں رہتا ہے ۔ ہندوستان اور آسٹریلیا کے درمیان 4 ٹیسٹ میچوں کی سیریز 9 فروری سے شروع ہونے جا رہی ہے۔ پہلا میچ ناگپور کے جامتھا میں کھیلا جائے گا ۔ (AFP)

تاہم میچ شروع ہونے سے پہلے ہی ایک بڑے تنازع کی خبر سامنے آرہی ہے۔ ٹیم انڈیا کے کوچ راہل دراوڑ میچ کے لئے تیار کی گئی پچ سے ناخوش تھے اور اسے تبدیل کرنے کیلئے کہا ہے۔ وہ پچ پر گھاس دیکھ کر غصے میں آگئے تھے۔ (AFP)

روزنامہ بھاسکر کی خبر کے مطابق راہل دراوڑ نے میچ کے لئے گھاس والی پچ کی بجائے دوسری پچ کا انتخاب کیا ہے۔ اب کیوریٹر اس کی تیاری میں مصروف ہوگئے ہیں۔ ایسے میں مانا جا رہا ہے کہ انتظامیہ پہلے ٹیسٹ کیلئے اسپن ٹریک کو اہمیت دے رہی ہے ۔ (AFP)

پہلا ٹیسٹ میچ ناگپور کے جامتھا اسٹیڈیم میں کھیلا جائے گا ۔ اس سے پہلے 2004 میں آسٹریلیا نے ہندوستان کو ناگپور کے دوسرے گراؤنڈ میں شکست دی تھی۔ اس وقت کہا گیا تھا کہ گھاس والی پچ ملنے پر کپتان سورو گنگولی ناراض ہو گئے اور وہ میچ تک سے الگ ہوگئے تھے۔ (AFP)

ہندوستانی ٹیم کی بات کریں تو اس کے پاس 4 بڑے اسپنرز ہیں اور انہیں ٹیسٹ میں میدان میں اتارا جا سکتا ہے۔ آف اسپنر آر اشون اس میں سرفہرست ہیں۔ انہوں نے 400 سے زائد وکٹیں حاصل کی ہیں۔ اس کے علاوہ بائیں ہاتھ کے اسپنر رویندر جڈیجہ، اکشر پٹیل اور کلدیپ یادو بھی شامل ہیں۔ (AP)

اسپن کے خلاف آسٹریلیائی بلے بازوں کا ریکارڈ بھی کچھ خاص نہیں ہے۔ ایسے میں ہندوستانی ٹیم اس کا بھرپور فائدہ اٹھانا چاہتی ہے۔ ٹیم انڈیا کو ورلڈ چمپئن شپ کے فائنل میں جگہ بنانے کیلئے 4 میں سے کم از کم 3 میچ جیتنے ہوں گے۔ تب ہی ٹیم براہ راست کوالیفائی کر سکے گی ۔ (AP)

اگر ہم ہندوستانی گیند بازوں کی گھریلو کارکردگی پر نظر ڈالیں تو ٹاپ 5 میں 4 اسپنرز ہیں۔ سابق لیگ اسپنر انل کمبلے نے سب سے زیادہ 350 وکٹیں حاصل کی ہیں۔ آر اشون نے 312، ہربھجن سنگھ نے 265، سابق کپتان اور تیز گیند باز کپل دیو نے 219 اور رویندر جڈیجہ نے 172 وکٹیں حاصل کی ہیں۔ (PTI)