ایک نے بنائی ٹی ٹوینٹی میں تین سنچریاں، دسرے کے نام ٹریپل سنچری، ناگپور میں ان دو کھلاڑیوں کا ڈیبیو تقریبا طے!

ہندوستان اور آسٹریلیا کے درمیان 4 ٹیسٹ میچوں کی سیریز 9 فروری سے شروع ہو رہی ہے۔ آئی سی سی ٹیسٹ چیمپئن شپ کے تحت کھیلی جانے والی یہ سیریز ہندوستان کے فائنل کا ٹکٹ حاصل کرنے کے لحاظ سے کافی اہم ہے۔- AP

کوچ راہل دراوڑ اور کپتان روہت شرما پہلے میچ میں کافی مضبوط پلیئنگ الیون کے ساتھ اترنے والے ہیں۔ کپتان نے میچ سے پہلے بتایا کہ وہ ہر میچ میں پچ کے مطابق کھلاڑیوں کا انتخاب کرتے ہیں۔ اطلاعات کے مطابق ناگپور ٹیسٹ میں مڈل آرڈر بلے باز سوریہ کمار یادو اور وکٹ کیپر کے ایس بھرت کے ڈیبیو کو تقریبا طے مانا جا رہا ہے۔- BCCI Twitter

سوریہ کمار یادو نے ٹی ٹوینٹی کرکٹ میں رنز کی بارش کی ہے۔ وہ گراؤنڈ کے ہر کونے میں شاٹس مارنے کی مہارت رکھتے ہیں، یہی وجہ ہے کہ سوریہ کرکٹ کی دنیا میں مسٹر 360 کے نام سے مقبول ہو رہے ہیں۔ سوریہ کمار یادو نے گزشتہ سال انگلینڈ اور نیوزی لینڈ کے خلاف ٹی ٹوینٹی سنچریاں بنائی تھیں۔ جبکہ رواں سال کے آغاز میں سری لنکا کے خلاف بھی سنچری بنائی تھی۔ AP

کے ایس بھرت کا نام کئی سالوں سے موضوع بحث ہے۔ ٹیم کے ساتھ کئی دورے کرنے والے اس وکٹ کیپر کو ابھی تک موقع نہیں مل پایا ہے۔ مانا جا رہا ہے کہ وہ ٹیم میں ریشبھ پنت کی جگہ کھیلیں گے۔ پنت کی طرح طوفانی نہیں، لیکن بھرت بڑی اننگز کھیلنے کا ہنر بخوبی جانتے ہیں۔- AFP

بھرت نے اب تک ہندوستان کے لئے کوئی ٹیسٹ میچ نہیں کھیلا ہے، لیکن متبادل وکٹ کیپر کے طور پر وہ 2021 میں نیوزی لینڈ کے خلاف کانپور ٹیسٹ میں ردھیمان ساہا کی جگہ پر میدان میں اترچکے ہیں۔ اس میچ میں انہوں نے ایک کیچ پکڑا تھا اور اسٹمپنگ کی تھی۔- AFP

کے ایس بھرت نے 2014 میں آندھرا پردیش کے لئے کھیلتے ہوئے گوا کے خلاف ٹرپل سنچری بنائی تھی۔ وہ فرسٹ کلاس میں ٹرپل سنچری بنانے والے پہلے ہندوستانی وکٹ کیپر بلے باز بن گئے تھے۔ 311 گیندوں پر انہوں نے 38 چوکوں اور 6 چھکوں کی مدد سے 308 رنز کی اننگز کھیلی تھی۔ - AFP